På innsida av norsk skuleverk

Eg har no vore to veker i den nye jobben i Vågå. Og eg har hatt det så moro!! Ikkje mykje ein klarer å nå over på to veker, men eg har fått møtt Fylkesmannen, Stortingebenken, Kommunalt Foreldreutval og ikkje minst har eg vore og besøkt alle dei fantastiske skulene i Vågå. Og eg veldig glad for å oppdage at dei tilsette er positive til prosjektet, og gleder seg til at vi skal komme i gang. Mykje bra skjer allereie i Vågå-skulen, og eg fekk mellom anna sett på dramtisering av eventyr på eit av Oppvekstsentra. Fantastisk å sjå elevar ned i toårsalderen glede seg over å dramtisere norske folkeeventyr. Og neste gong eg skal rundt omkring, så skal eg få oppleve smaksprosjekt på Tessand oppvekstsenter. Og framover er altså planen at me skal bli flinkare på å ta i bruk elevane sine kreative dugleiker i undervisninga.

Den viktigaste jobben fremover er å forankre prosjektet lokalt. Blant næringsliv, lokale foreningar foreldre, elevar og sjølvsagt dei tilsette i skuleverket. Der har vi ein jobb å gjere. Til no har dei tilsette lest om prosjektet i avisa, men høyrt pent lite om det på sine eigne arbeidsplassar, og ikkje minst har dei i liten grad fått vore med på å forme innhaldet. Mi viktigaste oppgåve fremover er forankring, forankring og forankring. Og eg skal ha så mange idédugnader at eg kjem til å bli gal. Men det er Vågåsamfunnet som skal skape denne skulen, og då må dei få vere med å utforme virkemidla også.

I dag starta eg i mine siste fire veker i praksis som ein del av Praktisk Pedagogisk Utdanning. Fortsatt på Sør-Aurdal Ungdomsskule og 10.trinn (så tek ei pause frå Vågå, men ikkje frå jobben min). Skal bruke praksisperioda til å prøve ut korleis me kan løyse ut elevane sitt kreative potensial i norsken. Og det ved bruk av samansette tekstar. Eg har laga mange artige oppgåver til elevane allereie, og eg trur dette blir moro!! Fleire oppdateringar kjem!