Gå til hovedinnhold

Ekspolitiker og ny-vagvær

I helga var det Landsmøte i Framstegspartiets Ungdom (FpU), og no kan eg endeleg kalle meg ekspolitiker. Landsmøte i år var mitt sjette, og det er ti år sidan eg var på mitt fyrste landsmøte - det legendariske i 2000. Åtte år har eg vore med i sentralstyret i FpU, og i helga vart eg takka av som 1.nestformann. Det var rørande. FpU har vore ein del av ungdomstida. Utan tida i FpU ville eg truleg ikkje fått den jobben eg har i dag, og det er i denne fantastiske organisasjonen eg har lært å få trua på meg sjølv, lære meg å prate foran ei forsamling, og å vere meir impulsiv i den grad at eg no utan å nøle kaster meg ut i ting uten dei store førebuingane (for nokre år sidan hadde eg truleg planlagt eit halvtimes foredrag i fleire dagar - no treng eg ingen tid på å førebu meg). Så åra i FpU har gjeve meg styrke i den jobben eg har i dag, så ironisk så kan Ap-kommunen Vågå takke FpU for å ha ein dyktigare prosjektleiar enn eg ville vore utan tida i FpU.

Eg mista den politike piffen etter stortingsvalget i haust, då eg ikkje lukkast med å kome inn på Stortinget. Etter det har eg vore dønn uengasjert, men tok avgjerda om å fortsette ut perioda som 1.nestformann. Sidan eg føler eg har gjort ein heller dårleg politisk jobb det siste halvåret, så vart eg rørt over korleis eg vart takka av. Champagne og klokke, og fine ord - men størst av alt: då jentene i FpU overleverte diktet "Kjerringa mot strømmen" og takka for at eg har vore eit førebilete for dei. Har eg kunne vore eit førebilete for den fantastiske gjengen jenter som er i FpU, så gjer det meg stolt, og då har eg gjort ein viktig jobb. Eg av alle veit at det til tider kan vere einsamt i gutteklubben i FpU, og då er det viktig å ha nokon som kan vise veg. Tusen takk alle fantastiske jenter som gav meg den gåva. Det var stort, og eg kjem til å hugse dykk reisten av livet! Og om ikkje anna så er talet på jenter i FpU sitt sentralstyre dobla, og det er jo ikkje verst det..

No er eg attende i Vågå, og skal bruke all energi i min fantastiske jobb og i denne fantastiske kommunen. I dag sende eg av gårde melding om flytting til skatteetaten. Om nokre dagar er eg ikkje lenger Sør-Aurdøl, men vagvær. Etter 25 år i Valdres flyttar eg til Gudbrandsdalen. To epoker er over i livet mitt, og det er vel kanskje dette ein kaller ein ny start? Eller kanskje er eg berre blitt vaksen?

Kommentarer

  1. Veldig mye feminisme i denne posten til å komme fra en FpUer, spiller vel ingen rolle hvilket kjønn man har :)

    SvarSlett
  2. Tja..har du sett på den store "snakkisen" "Hjernevask" den siste tida, så vil du kanskje ha fått med deg at det speler ein viss rolle kva for kjønn ein har.

    Og det er ingen motsetnad mellom å vere feminist og med i FpU. Eg har alltid stolt kalla meg feminist.

    SvarSlett
  3. Uff, som gammel FpUer så gjør det vondt å høre en dyktig politiker fra FpU kalle seg feminist. Liberalismen og Feminisme går ikke ihop. Like mye som sjåvinisme og Liberalisme går i hop. Feminisme er en ond ideologi som tvinger folk til spesifikke roller i henhold til kjønn. Liberalisme står for enkeltindividet og det faktum at vi er alle ulike.

    Selvfølgelig finner vi forskjeller mellom menn og kvinner, akkurat som vi finner forskjeller mellom kvinner og andre kvinner.

    Jeg har stolt observert at FpU velger dem som er dyktigst, uavhengig av kjønn og uavhengig om det blir ujevn kjønnsbalanse. Jeg er stolt over å ha vært medlem i et parti som aldri unnskyldte seg for overvekten av et kjønn i sentralstyret sitt, men som stolt har proklamert at de har valgt de dyktigste UAVHENGIG av kjønn.

    Å være feminist er å undergrave disse tradisjonene. Jeg har aldri sett på FpU som gutteklubben grei da eg var medlem, men kanskje jeg ikke var invitert inn i klubben :)

    Nei, eg håper feminismen aldri får plass i FpU og jeg håper FpU vil være frihetens og individets organisasjon.

    SvarSlett
  4. Eg definerer fortsatt feminisme som å tru på likeverd mellom kjønn. Det kjem eg alltid til å tru på - sjølv om nokon tydeligvis meiner at feminisme er synonymt med å tru på kjønnskvotering. Det trur ikkje eg.

    SvarSlett

Legg inn en kommentar

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Mammaen din er så glad i deg!

Plutseleg er eg blitt eitt av desse irriterande menneska som omtaler meg sjølv i tredjeperson. Det skjer sjølvsagt berre i samtale med vesle bebien min, men sidan det stort sett er berre han eg pratar med om dagen, skjer dette heller ofte.

- Mammaen din skal berre ein liten tur på do, skjønner du
Slik startar dagen når eg må forlate Sigmund åleine i senga vaken og nesten på gråten om morgonen. Eg må fortelje han at eg snart kjem tilbake for å hente han, men at blæra til mammaen hans ikkje er som før og at eg difor må på do.
- Du skjønner, Sigmund, at mammaen din er ikkje så flink til å gjere knipeøvingar

Vi går inn til stellebordet, og der fortsett det: "No skal mammaen din berre finne fram ei bleie, skjønner du. Mammaen din er så glad i deg. Du er sååååå søt".

I løpet av ein dag har eg tatt meg sjølv i å si dette:
- Mammaen din er så glad i deg (dette seier eg ofte)
- Mammaen din elskar deg
- Mammaen din må berre ta på deg lue, skjønner du - fordi det står i Mammabøkene at små bebi…