Gå til hovedinnhold

Kommunen - det er meg (og deg)



Eg får berre unnskulde meg for manglande blogging den siste tida. Men det går i eitt om dagen. Denne veka har eg sprunge frå møte til møte, og fekk med nød og neppe skvisa inn episoda av Desperate Housewives på tysdag. Dei seier litt om ein travel kvardag. Og dykk som trur at vi har korte dager og ikkje gjer noko anna enn å flytte papir og stirre i dataskjermen, må nok tru om att. I dag har eg endeleg hatt tid til å sitte på kontoret, men heile dagen i dag går med til å skrive referat, få sortert notater og tankar, og ikkje minst starte arbeidet med å lage ein forprosjektplan (og planar er vi gode på i kommunen!).

Men denne veka og neste veke går i hovudsak med til lokalt forankringsarbeid, og til å møte personalet på skulane, foreldre og organisasjonar. Eg takkar ja til alle invitasjonar eg får for å orientere om prosjektet, og til å få innspel. Det er viktig at vi som jobber i kommunen er synlege i lokalsamfunnet, og ikkje berre blir "dei borte på kommuna".

Måndag møtte eg personalet på Vågåmo skule. Utruleg oppegåande folk, med mange gode innspel og kritiske spørsmål til prosjektet vårt. På kvelden møtte eg fyrst Lions Club Vågå, som er ein oppegåande gjeng som er oppteken av det som skjer i lokalsamfunnet (og internasjonalt!). På kvelden var det middag med nokre IKT-folk som kanskje er interessert i å gjere noko i Vågå.

Heile tysdag gjekk med til møte med IKT-folka. Og på kvelden var det møte med personalet på Lalm. Og der var det temperatur!! Fantastisk gjeng. Og eg har ikkje vanskeleg for å forstå at personalet er redde for endå fleire reformar og tiltak som blir tredd nedover hovudet deira. Frå Reform 97 til Kunnskapsløftet, og no kjem det noko dei er redd skal vere tilbake til Reform 97 med leik og moro i skulen. Men det må eg berre seie; vi skal ha med personalet på dette, og er dei ikkje enige i det vi gjer, blir ikkje prosjektet noko av.

Onsdag gjekk med til rektormøte, og eg må seie gjengen med rektorar er ein fantastisk flott samling, som eg gleder meg til å samarbeide med. På kvelden møtte eg FAU ved Vågåmo skule, som atter hadde fleire innspel. Foreldra er veldig positive til prosjektet, men er redd det skal bli eit "finkulturelt prosjekt" som ikkje tek utgangspunkt i Vågå-kulturen. Eg må berre seie: dette prosjektet skal ta utgangspunkt i den lokale kulturen her i Vågå!

I går var fyrste møte i prosjektgruppa, som er mine næraste samtalepartar i dette prosjektet. Og no er vi altså skikkeleg i gang med prosjektet. No manglar berre å få sett ned undergruppene som skal jobbe med dei fire hovudområdene i prosjektet, som er: 1. Estetiske fag 2. IKT 3. Matkultur og fysisk aktivitet 4. Det globale i det lokale.


I dag skriv eg referat frå alle møta. For alle kloke ord og innspel skal lagrast og bli med vidare i prosjektet. :) Og kommunen, det er ikkje ein grå kloss, det er mellom anna meg (som alldeles ikkje er så sur som eg ser ut, men som ikkje klarer å smile når eg tek bilete av meg sjølv (og ja, eg smiler meir når eg representerar kommunen)).

Kommentarer

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 
Terningkast: 2 

Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?
Terningkast: 5 
Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 
Terningkast: 3
Ida Maria - Scandilove Hurra! Endeleg ein song som får meg i godt humør. Ved fy…