Gå til hovedinnhold

Ei reise i språk og kultur (og eit smertefullt besøk hos tannlegen)

Ivar Aasen var litt av ein fyr. I ein alder av 22 år, fann han ut: "Eg skal lage eit nytt språk, og skal basere det på dialektane i Noreg og reise rundt omkring resten av livet mitt". Tenk det a!! Dei 22-åringane eg kjenner drømmer om bil og damer. Ivar Aasen drømte om å lage eit nytt språk (vel..han drømte visst om ei tenestejente også). Og han var singel heile livet! Noko som får meg til å filosofere over kvifor menn som tenner på bil har draget, mens menn som tenner på språk, slit med damene. Kvifor sleit menn som Tor Jonsson og Ivar Aasen slik med kjærleiken? Må du slite med kjærleiken for å få tid og energi til å skrive så vakkert? Eg er heilt sikker på eg ville forelska meg i dei båe om eg hadde møtt dei! (Eg er i alle fall forelska i lyrikken)

Tobakken og Ivar Aasen var likevel kompisar heile livet. Her ser du pipa hass:



Grunnen til at eg har besøkt pipa til Ivar Aasen, er at eg på ein tur til vestlandet fann ut eg måtte innom heimplassen til nynorskens far, og Ivar Aasen-tunet. Det var stort. Eg kjøpte meg eit bærenett med teksta: "Det eg ikkje kan få, det slepp eg å bera på".

Heimatt gjekk køyreturen om Geirangerfjorden. Det gjekk til min store skrekk opp for meg at eg aldri har vore der, så når ein er i nærleiken - kvifor ikkje?? Sikkert ikkje like fint som på sommaren, men no har eg i alle fall funni ut at det slettes ikkje er langt frå Vågå. Så turen går nok attende til både Volda, Ørsta og Stranda til våren.





Og i dag var eg hos tannlegen. For fyrste gong på sikkert ti år (eg tørte ikkje innrømme overfor meg sjølv at eg ikkje hugsar sist gong eg var der). Eg leste i VG om ein som hadde droppa tannlege gjennom heile studietida, og fekk rekning på 50 000 kroner. Trur tannlegen i Vågå lurte på kven eg var og kor eg kom frå når eg etter besøket spurte: "Koster det ikkje 50 000?". Vel - resultatet: Ingen Karius og Baktus. Men eg hadde ein kilo tannstein. Tennene mine følast no som dei er blitt halvert. Tennene var dekka av kalk og skit (sikkert difor Karius og Baktus ikkje fann vegen), og eg har enno blodsmak i kjeften etter at tannlegen borra i tannkjøttet for å få steinen ut. Men no er eg fin, og klarer meg med eitt besøk til for å gjere tennene enno kvitare og finare.

Så no håper eg snart att skattepengene mine kjem, slik at eg kan færra te Mexico i desember!!!

Kommentarer

  1. Eg har vore fire gongar på Ronald Reagan Presidental Library, og det femte besøket kjem nok før eg får vitja Aasentunet :(
    Spørst om eg ikkje lyt revurdere prioriteringane mine.

    Kva er det forresten som får deg til å tru at Ivar Aasen ikkje hadde draget? Det at han var singel heile livet kan jo like godt bety at han var litt av ein rundbrennar.

    Søk forresten etter "Oasis Cancun" på Youtube. Fantastisk plass. Om du skulle komme til å sjå kjentfolk der so er det heilt sikkert nokon som har manipulert dei inn ;)

    SvarSlett
  2. Ivar Aasen hadde garantert ikkje draget. Eg kjenner typa. Sit med nasen i ei bok, og med sosiale antenner som gror nedover i bakken. Og dessverre; vi jenter faller ikkje for dei smarte gutane, med djupe sinn og som kan bruke store ord. Vi kan vere fascinert, men det er ikkje slike gutar vi får lyst til å kaste i vegen og rive av kleda på. Vi faller heller for han utan personlegheit og med eit sinn djupt som innhaldet i ei cava-flaske etter eg har drikki av han.

    Og hadde Aasen vore ein rundbrennar, hadde det vore skriven om i historiebøkene. Det kunne nynorskhatarane brukt mot nynorsken. Og nynorsken skal liksom vere traust då...

    Og du må revurdere prioriteringane dine. Eg skal ikkje påstå Aasen-tunet er betre enn Reagan-library, men eg fann meir interessante ting å shoppe på Aasen-tunet enn hos Reagan...og det er jo tross alt noko av det viktigaste!

    Skal gjere eit søk på Youtube, men usikker på om eg vil sjå dette.....

    SvarSlett
  3. Jau, det er vel kanskje ei viss fare for det, men trur du verkeleg at det var ingen som fatta interesse når han trakka rundt på bygdene? Han kan vel ikkje ha vore so lite sjarmerande at ingen peppermøer prøvde å lure han?? :)

    Trur ikkje nynorskhatarane hadde brukt det mot han. Har inntrykk av at dei som ikkje har mykje til overs for skriftspråket vårt ikkje har verdas mest restriktive seksualmoral.

    Har dei tøffe ting å handle på Aasentunet? Eg har svidd av nokre hundre dollar på Reagan Library, so då får eg vel gjere det same på Aasentunet. Kjøpte mellom anna ei snakkande Reagandokke. Har dei snakkande Aasendukke? I staden for "Mr Gorbachev, tear down this wall" kunne den sagt "Visdomen kan gøymast, men ikkje dumskapen." Aasenmansjettknappar hadde og vore kjekt. Gjerne med gullbelegg.

    Søk på youtube, men skulle du sjå kjentfolk so var det Johan som lurte meg til å gjere det.

    Fann forresten ut at ein kan forstørre bilda på bloggen din. Du tar deg bra ut med litt raudleg hår ;)

    SvarSlett

Legg inn en kommentar

Populære innlegg fra denne bloggen

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv. Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten. Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgon

Hanne tester trappene i Høyanger

Høyanger er visstnok kjend for sine trapper. Dette heng saman med vatnforsyning og industri (eg skal finne ut meir om dette når eg skal på industrimuseet seinare i veka). Det er to trapper i Høyanger. Ei med omlag 1250 trappetrinn og ei med 2500 trappetrinn. Optimistisk som eg er bestemte eg meg for å teste den lengste av dei. Dette bilete er take rett etter at eg har gått heimanfrå. Eg bur i eit bustadområde rett på venstresida av bileteramma. Trappa kan du sjå der langt framme på fjellet omtrent midt i biletet. Du ser det som ein grå strek som går oppover. Elva er også rett ved der eg bur, og eg såg mange fiskarar på vegen fram og attende (fisking rett utanfor stovedøra, bokstaveleg talt!). Høyanger sentrum ligg i motsatt retning, altså der elva renn ut i fjorden. No ser du at eg nærmar meg. Også eg begynner å tru at det er håp om at eg skal kome fram. Litt skeptisk på om det er lov til å gå inn på området nå, og tenkjer: "neinei, eg må snu!". Då ser

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år. Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg.  Terningkast: 2  Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt? Terningkast: 5  Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det.  Terningkast: 3 Ida Maria - Scandilove Hurra! Endeleg ein