Gå til hovedinnhold

Eit liv utan Cava?

Cava er med meg kvar einaste veke (stort sett). Når eg blir invitert på fest med følge tek eg alltid med meg Cava. Faktisk reiser eg aldri på fest utan Cava. Cava har blitt utruleg viktig for meg. Cava er faktisk ein av dei viktigaste tinga i livet mitt.

Det er faktisk ikkje så mykje i livet mitt eg ville vald framfor Cava. Eg hadde gladeleg gjeve opp sjokolade og alt godteri for Cava. Eg hadde byta ut pizza for Cava. Eg hadde under tvil byta bort ost mot Cava (sjølv om Cava og ost er perfekt i lag). Eg vurderer også om eg faktisk ville vald Cava framfor bilen min (får håpe eg aldri blir take i promillekontroll; der har de overskrifta!).

Viss eg kunne vald mellom Cava og den verkeleg store kjærleiken (då pratar vi om kjærleik større enn det du finn i dei største kjærleiksromanane; kjærleik som gjer at alle bitar i livet ditt fell på plass og at du blir eit harmonisk menneske), trur eg nesten eg ville vald Cava. Kva skal eg med den store kjærleiken viss eg ikkje kunne ha delt Cava med han?

Når helga kjem søkjer eg alltid til Cava. Viss eg har ei tøff veke er det tanken på Cava som held meg oppe. Då tenkjer eg; når fredagen kjem så kan eg kose meg med Cava!

Den stunda på fredag er den beste i heile veka. Når eg kan reise heim. Vite at eg har ein lang frikveld framfor meg, at eg ikkje treng å stresse med noko som må gjerast i morgon. At eg ikkje treng planlegge neste vekes undervising før sundagen kjem. På fredag finn eg fram mac'en min, gjer meg klar til å skrive og hentar fram Cava. Då føler eg meg fullstendig gjennomført lukkeleg.

Cava er ikkje eit særnamn. Cava er eit samlenamn på mange musserande vinar frå Spania. Det veit du jo. Og eg veit at Cava ikkje blir skrive med stor C. Eg gjer det likevel. Fordi Cava er viktig for meg.

Eg trur ikkje eg er alkoholikar. Kanskje har eg alkoholiske tendensar, men eg trur eigentleg ikkje det heller. Eg er berre veldig glad i musserande vin. Så glad i det at eg drikk altfor mykje av det. For meg som ønskjer å bli sprek og tynn, er det difor når det kjem til Cava eg syndar mest.
Lukkelege dagar. Meg og Cava. 

No har eg hatt ei heil helg utan Cava. Det var hardt, men det gjekk. Og det klarte eg til og med mens det ligg ei iskald cavaflaske i kjøleskåpet - uopna. Eg skal spare ho til neste helg. Eg har bestemt meg for at eg får klare meg med Cava annankvar helg. Kanskje sjeldnare.

Det er ni dagar sidan eg starta ferda mot halvmaraton. Kor langt er eg komen? Eg har gjennomført fem springeøkter på drøyt seks kilometer kvar (nei, eg spring ikkje heile vegen og når eg spring går det dritsakte, men eg må jo starte ein plass). Eg har gjennomført to styrkeøkter. Og to dagar sovna eg på sofaen etter middag (skulle berre sove litt) og fekk ikkje trent i det heile take. Trikset er å trene før middag begynner eg å skjønne. Viss du er så svolten at du kunne slukt ein ulv, ta ein banan!

Klarar eg dette? Eg SKAL klare det. Men eg veit at det eg kjem til å sakne aller mest er alle dei fredagane eg har kost meg med Cava, ost og skriving. Det blir ikkje det same med stangselleri med dip og QuizDan på Nrk.


Kommentarer

Populære innlegg fra denne bloggen

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv. Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten. Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgon

Hanne tester trappene i Høyanger

Høyanger er visstnok kjend for sine trapper. Dette heng saman med vatnforsyning og industri (eg skal finne ut meir om dette når eg skal på industrimuseet seinare i veka). Det er to trapper i Høyanger. Ei med omlag 1250 trappetrinn og ei med 2500 trappetrinn. Optimistisk som eg er bestemte eg meg for å teste den lengste av dei. Dette bilete er take rett etter at eg har gått heimanfrå. Eg bur i eit bustadområde rett på venstresida av bileteramma. Trappa kan du sjå der langt framme på fjellet omtrent midt i biletet. Du ser det som ein grå strek som går oppover. Elva er også rett ved der eg bur, og eg såg mange fiskarar på vegen fram og attende (fisking rett utanfor stovedøra, bokstaveleg talt!). Høyanger sentrum ligg i motsatt retning, altså der elva renn ut i fjorden. No ser du at eg nærmar meg. Også eg begynner å tru at det er håp om at eg skal kome fram. Litt skeptisk på om det er lov til å gå inn på området nå, og tenkjer: "neinei, eg må snu!". Då ser

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år. Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg.  Terningkast: 2  Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt? Terningkast: 5  Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det.  Terningkast: 3 Ida Maria - Scandilove Hurra! Endeleg ein