Gå til hovedinnhold

Baklengs ned alle trapper

Nei - vi pratar ikkje i overført tyding. Vi pratar bokstaveleg. I dag har eg anten gått sidelengs (når folk ser på) eller baklengs (når ingen ser) ned trappane. Dette gjer eg ikkje fordi eg ønskjer å gjere eit poeng ut av at eg har sprunge halvmaraton i helga, men fordi det gjer så innihampen vondt.

Vi hadde ei fantastisk helg på Beitostølen. Her kan du sjå ein bildeserie frå helga.


Fredag 31.mai - avreise og opplading
Med fullstendig overtenning reiste vi frå Høyanger rett etter jobb fredag. Her ved fergestoppen på Dragsvik. Veldig optimistisk på dette stadiet.


Her har vi kome fram til Beitostølen. Når vi får henta startnummeret vårt, tek det fullstendig av. Vi fann også denne plakaten. Når vi spring for eit idrettslag som "Cava Runners" er det obligatorisk med bilde her. At teksten på plakaten gjev ein viss meining kjem eg attende til seinare. 


Etter å ha henta startnummeret, er det på tide å køyre løypa. Vi køyrer 21 km til start og attende. På vegen attende finn vi dette skiltet. Dette er på toppen av monstermotbakken "Båtskaret". Vi finn ut at den einste gongen vi vil vere i nærleiken av å få ein pris for å vere fyrst ved dette skiltet er fredagskveld. 

Laurdag 1.juni. Klart for løp.

Dårleg med søvn og vaknar tidleg. Oppe klokka 0700. Hoppar i treningstøyet. Et frukostblanding og frukt. Får i oss store mengder kaffi. Så er det klart for bildetaking ute. 

Etter dette går bussen opp til Valdresflya klokka 0930. Framme kvart på ti. Ein time og eit kvarter att til start. Får gått på do. Ete ein banan. Står og gruar oss noko enormt. Det regner. Det regner meir. Ved starten regnar det. Eg kjenner eg må på do att. Men det må eg jo berre gje blaffen i. Ingen bilder frå startpunktet. Vi var for nervøse til å orke bildetaking. 

Startskotet går. Det sluttar å regne. Fyrste ni-ti kilometra går leikande lett (i nedoverbakke eller flatt). Så begynner stiginga. Når det er åtte kilometer att begynner det å gå nedover att. Ingen nytelse, men det er ikkje så jævlig som frykta. Når det er 5 km att begynner eg å forså at eg kan kome under 2:15 viss eg berre gir på. 


Endeleg i mål. Siste tre kilometra var heilt grusomme. Trudde eg skulle spy siste fem hundre metra. Såg for meg at eg skulle spy i målområdet. Klarte å unngå det. Tida vart 2:09:10. Eg kom ikkje sist og eg rakk polet. Målsetting oppnådd. 

Etterpå cavadrikking og prating om kor flinke vi var. Ingen bilde kan leggast ut. 

Sundag 2.juni - dagen derpå 

Cava rett etter halvmaraton ikkje lurt. Ikkje akkurat det som gjer at musklane blir fine att. Skjønner kanskje at alkohol rett etter trening ikkje gjev mening. Alt gjer vondt. Og det gjer berre vondare og vondare utover dagen. Men vi er eplekjekke. Og planlegg vidare.

Terminliste i "Kondis". Vi planlegg no tur til Jølster i juli, og utanlands i haustferien. Må jo ha noko meir å trene fram mot. For tidleg å legge seg på sofaen no.  

Vel framme i Høyanger etter ein slitsam køyretur. Finn denne på arbeidsplassen min. Fantastiske Aina (som blir med neste gong - garantert) er faktisk stolt av oss (og tykkjer ikkje vi er kvalme). Nydeleg med kollegaer som faktisk støttar oss i galskapen!

Måndag 3.juni - Blåmandag

Har altså slite med å gå nedoverbakke. Det er heilt grusomt. Kettlebell utgår i dag. Gruer meg allereie til tur i trappene med elevane på onsdag. Men kjenner eg faktisk er glad for at det er oppover vi skal gå, og ikkje nedover.

Kommentarer

Populære innlegg fra denne bloggen

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv. Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten. Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgon

Hanne tester trappene i Høyanger

Høyanger er visstnok kjend for sine trapper. Dette heng saman med vatnforsyning og industri (eg skal finne ut meir om dette når eg skal på industrimuseet seinare i veka). Det er to trapper i Høyanger. Ei med omlag 1250 trappetrinn og ei med 2500 trappetrinn. Optimistisk som eg er bestemte eg meg for å teste den lengste av dei. Dette bilete er take rett etter at eg har gått heimanfrå. Eg bur i eit bustadområde rett på venstresida av bileteramma. Trappa kan du sjå der langt framme på fjellet omtrent midt i biletet. Du ser det som ein grå strek som går oppover. Elva er også rett ved der eg bur, og eg såg mange fiskarar på vegen fram og attende (fisking rett utanfor stovedøra, bokstaveleg talt!). Høyanger sentrum ligg i motsatt retning, altså der elva renn ut i fjorden. No ser du at eg nærmar meg. Også eg begynner å tru at det er håp om at eg skal kome fram. Litt skeptisk på om det er lov til å gå inn på området nå, og tenkjer: "neinei, eg må snu!". Då ser

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år. Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg.  Terningkast: 2  Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt? Terningkast: 5  Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det.  Terningkast: 3 Ida Maria - Scandilove Hurra! Endeleg ein