Gå til hovedinnhold

"Det ventar eg med til sommarferien"

Fy søren. Om to dagar går eg ut i min fyrste lærarferie. Og eg skal love deg at det blir fortent! På skulen har det gått i eitt dei siste vekene, og det har kåken min fått lide under. Eg har rett og slett ikkje orka å gripe fatt i noko, og har tenkt at "den ventar eg med til eg får sommarferie". Då skal eg jo få tid til ALT.

Alt av post, papirar og dokument har eg putta ned i ein pappeske. Det skal eg sortere når eg får sommarferie.

Strømper, kjoler, t-skjorter, gensere og bukser ligg hulter til pulter i klesskapet mitt. Eg skal jo rydde i klesskapet mitt når eg får ferie. Det er ikkje plass til alt i skapa mine heller, så det har danna seg ein stor og fin haug på badet. Og i sofaen. Og på og under senga. Og i gangen også ja. Og på ein stol. Og under ein stol.

Badet ja. Det er ikkje ein plass eg ville anbefalt deg å gå inn. I tillegg til kleshaugen min, ligg smykker hulter til bulter i to smykkeskrin. Eg har ikkje gidda å sortert ting. Det vil også seie at eg ikkje har brukt øyrepynt dei siste vekene; for i full fart om morgonen er det ikkje mogleg å finne to som høyrer i lag.

Og ja. Også har eg tett vask. Det har eg hatt i ein månads tid. Den har blitt berre tettare og tettare. Dei siste dagane har eg pussa tenner og vaska hendene på kjøkkenet. Lenge leve latskapen.

I dag gjekk eg barbeint på kjøkkengolvet. Føtene mine hang att i golvet.

Vindauga mine er umogleg å sjå gjennom (eg har, når eg tenkjer meg, om ikkje pussa dei sidan eg flytta inn).

No begynner eg å få hovudet over vatn på jobb (det meste er no klart, sjølv om det blir ein lang dag på jobb i morgon).

Når eg no kom heim frå jobb, så klarte eg faktisk å sette på ei oppvaskmaskin. Og bestemte meg for å ta meg saman.

Så eg gjekk på badet. Opna vasken. Fekk rensa opp. No renn det vatn gjennom vasken, men eg har jo ikkje peiling på korleis eg skal sette saman greiene att (herregud Hanne; ta bilde før du demonterer noko! Kor dum går det an å bli!). Så no har eg sett meg på verandaen for å blogge om kor stort rotehuggu eg er,  mens det ser slik under vasken min:


Eg har ikkje peiling på korleis eg skal få det saman att, og kjenner eg meg sjølv rett kjem eg sikkert til å leve med bøtte under vasken dei neste vekene. Heilt til foreldra mine har lese bloggen min mens dei ristar på hovudet og seier "ubrukelege jentunge!". Så ringer ein av dei meg, ber meg ta meg saman og rettleiar meg på telefon til eg har fått det til.

Går eg inn att ventar også dette meg på badet:
Smykkehelvete! Med ein dæsj av strømpebukse, solbriller og undertøy. Kanskje på tide å rydde her også?

Viss eg ikkje vil det, så kan eg begynne her:

 Eller her:


No er det nesten så eg gruer meg til å gå ut i ferie - fordi eg veit at dette ventar på meg når eg har fri og bør gjere noko fornuftig.

Den fyrste veka i ferien har eg sett av til "Opprydding i heim og hjerne". Og eg trur du forstår no at lærarar verkeleg treng ein lang ferie. Det handlar rett og slett om at alt anna i livet er blitt sett på vent for å bli ferdig til sommarferien.

Og Mamma; ver glad eg ikkje legg ut bilde av vinduaga mine. Du hadde då vore på fyrste buss til Høyanger!

Kommentarer

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 
Terningkast: 2 

Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?
Terningkast: 5 
Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 
Terningkast: 3
Ida Maria - Scandilove Hurra! Endeleg ein song som får meg i godt humør. Ved fy…