Gå til hovedinnhold

Prosjekt rydding etter Hanne-metoden

På fredag feira eg at eg skal ha lang lærarferie, i lag med gode kollegaer. Slik ser ein lærar som går inn i sin fyrste lærarferie ut:


I går låg eg på sofaen heile dagen og gjorde minimalt. Orka ikkje å ta bilde. 

I dag er prosjekt rydding av kåk i gang. Det er inga enkel oppgåve. Eg starta med klesskåpa mine. 

Rydding etter Hanne-metoden foregår slik:

Kast alt av klede på senga. Gå gjennom alt, og sorter det i tre ulike bunkar. Det som skal inn att i klesskåpet skal brettast fint saman eller hengast på hengar (i vaskemaskina viss det luktar vondt eller har cavaflekkar). Det du er usikker på om du vil bruke att, skal i ein pappeske som skal inn i boden (då ligg det der i tilfelle eg plutseleg finn ut at eg berre MÅ ha DEN kjolen attende). Også er det det eg ikkje ønskjer å bruke att (eller som eg føler smerte over at er blitt for lite); det går i plastsekk og skal til Fretex. 

Det som er skumlast med å rydde klesskåp er at du finn klede som du er glad i, men som ligg langt bak i klesskåpet fordi det er blitt for lite. Eg har eit par favorittbukser det er slik med. 

Eg fann favorittbuksa mi frå då eg var fit og flott rundt 25-årsalderen (herregud; det er sju år sidan). Den har ikkje passa på nokre år. 

Eg har ikkje mistenkt meg sjølv for å bli tynnare dei siste månadane, men det skulle vise seg at sanninga var betre enn frykta. 

Hahahahaha. Lykke på jord:

Bukse passar (nesten) perfekt. Haha. Trening funkar!

Ikkje berre er låra mine tydeligvis blitt mindre. Eg har også fått mindre puppar. Eg får no att knappane på min favoritt-rutete skjorte. Nytt antrekk for dagen! Rydding gjer meg lykkelegare enn eg hadde trudd. 

No har eg altså funne ut at eg blir tynnare av trening (bombe). Då får unge Blåfjelldal blod på tann. Eg kjøpte nemleg ein kjole (på Uff i Oslo) som er for liten, for nokre månadar sidan. No kjem eg då til å sette meg på ein knallhard diett for å kome inn i denne kjolen i løpet av sommaren. Når Victoria Beckham kan leve berre på jordbær, kan vel jamen eg klare det også. 


Kjolar ja...eg har 47 stk (må jo bruke litt tid på telling også). Det er miljøvennleg det. Ikkje rart eg må vere veganar for å kompensere for det store klesforbruket mitt. Eg skal no ha ein shoppingfri sommar. Eg skal ikkje kjøpe eit klesplagg. Det er målet. I tillegg til berre å ete jordbær. 

Eg har nokre fantastiske kreasjonar i klesskåpet mitt. Det er slik at du lurer på kva i alle dagar som gjekk av deg då du kjøpte det. Var eg full? 

Sjekk denne jakka! Nyyydeleg. Eg skjønner verkeleg ikkje korleis eg skal få denne til å kome til sin rett, men eg må ha hatt ein eller annan lur plan då eg kjøpte ho. Tredje mål for sommaren; å bruke denne jakka ute blant folk! Og ikkje bry meg om at folk stirar rart på meg. 

Det er ikkje rart det går litt sakte med ryddinga. Når det er viktigare å dokumentere rydding, prøve klede og finne fram det mentale bilde av meg sjølv i drømmekjoler med eit glas cava i handa. 

Eg begynner no å nærme meg slutten på rydding av klesskåp. Etterpå er det badet som står for tur. Same metode der. Så kjem kjøkkenet der kjøleskåp og komfyr skal få gjennomgå. Gled dykk til bilde av soyayoghurten som har stått i kjøleskåpet eit halvt år og veganske middagsrestar som det plutseleg er blitt liv i. 


Kommentarer

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 
Terningkast: 2 

Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?
Terningkast: 5 
Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 
Terningkast: 3
Ida Maria - Scandilove Hurra! Endeleg ein song som får meg i godt humør. Ved fy…