Gå til hovedinnhold

Kviler meg i form til Jølster maraton

Høgt oppe etter å ha fullført halvmaraton på Beitostølen 1.juni, starta Cava Runners å planlegge nye halvmaratonreisemål. Sjølvsagt i cavarus, og noko rusa på oss sjølve. Eg for min del tenkte at når eg klarte dette, så kan eg klare alt! Eg var rett og slett uovervinneleg!

Jølster maraton 6.juli var dit vi fann ut vi skulle reise. Vi hadde eigentleg ønskja oss eit litt meir eksotisk reisemål, men kva kan eigentleg vere betre enn fylket vi sjølve bur i?

Eg og Randi fekk overtala to andre, og plutseleg hadde vi booka oss inn i ei campinghytte med raud skinnsofa og furuvegger. Det var jo leeeenge til 6.juli, og vi hadde god tid til å plotte inn toppformen.

Eg skal ærleg innrømme eg har drukke meir cava enn eg har sprunge den siste månaden. Travelt på jobb, og så kom ferien. Ferien då eg liksom skulle trene kjempemykje! Vel..det var meir fristande å drikke cava.

Eg har den siste veka vurdert om eg heller skal melde meg på 5 km eller 10 km. 21 km er eigentleg litt for langt for meg - eg er nok ikkje slik eigentleg i god nok form til å springe så langt (sjølv om det er hardt å innrømme). Men eg har jo liksom klart det før, så då bør eg ikkje vere dårlegare no.

I går meldte eg meg på halvmaraton. No er det ingen veg attende.

I dag kom eg på at eg ikkje har sprunge sidan halvmaratonen 1.juni. Det betyr ikkje at eg har vore dønn lat - eg har gått ein del i trappene her i Høyanger (og tru meg; det er betre trening enn å springe på flat asfalt). Men likevel; eg var usikker på om eg framleis var i stand til å springe.
Etter 2500 trappetrinn i Høyanger. Beste treninga som finst!

Dei siste dagane før ein skal springe halvmaraton skal ein eigentleg trene minst mogleg. Såpass har eg lært (og det er den delen eg likar best). Det er liksom for seint å skulle springe seg i form tre dagar før eit løp.

I dag tok eg likevel sjansen på å springe 5 km. Eg sprang i komfortsona heile tida, og eg klarte i alle fall å kome heim utan å spy. Fort gjekk det ikkje, og eg skal innrømme eg tenkte med gru; "på laurdag skal eg springe fire gonger så langt. Huff."

Eg gruar meg skikkeleg. Eg er ikkje i nærleiken av å ha lyst til å gjere dette. Eg vil drikke cava. Springe 21 km har eg ikkje lyst til. Ikkje i det heile tatt!

Resten av dagen i dag har eg kvilt meg i form. Eg har vore på sofaen og lese bok. Det vil seie. Etter eit kapittel fann eg ut eg ville sove, så eg sov i to timar. Så mykje for det overskotet du liksom får av trening.

Eg likar nok å kvile betre enn å springe. Her med sommarens lesestoff. Eg fekk lese eit kapittel før eg fann ut eg skulle sove.

No held cavarunner Blåfjelldal seg unna cava også. Det er hardt, det. Tenk deg ein cavarunner utan cava og springing i nokre dagar? Men eg trur faktisk det beste eg kan gjere for kroppen min er å ha ei cavafri periode (og ho har vart heilt sidan sundag no), og at det kan medverke til at eg faktisk klarer å fullføre på laurdag.

Blir det moro? Javisst, blir det moro. Om ikkje anna, skal eg bruke 21 km til å nyte den vakre naturen i Jølster, og etterpå skal vi drikke campinghytta vår fin ved hjelp av cava.


Kommentarer

Populære innlegg fra denne bloggen

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv. Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten. Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgon

Hanne tester trappene i Høyanger

Høyanger er visstnok kjend for sine trapper. Dette heng saman med vatnforsyning og industri (eg skal finne ut meir om dette når eg skal på industrimuseet seinare i veka). Det er to trapper i Høyanger. Ei med omlag 1250 trappetrinn og ei med 2500 trappetrinn. Optimistisk som eg er bestemte eg meg for å teste den lengste av dei. Dette bilete er take rett etter at eg har gått heimanfrå. Eg bur i eit bustadområde rett på venstresida av bileteramma. Trappa kan du sjå der langt framme på fjellet omtrent midt i biletet. Du ser det som ein grå strek som går oppover. Elva er også rett ved der eg bur, og eg såg mange fiskarar på vegen fram og attende (fisking rett utanfor stovedøra, bokstaveleg talt!). Høyanger sentrum ligg i motsatt retning, altså der elva renn ut i fjorden. No ser du at eg nærmar meg. Også eg begynner å tru at det er håp om at eg skal kome fram. Litt skeptisk på om det er lov til å gå inn på området nå, og tenkjer: "neinei, eg må snu!". Då ser

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år. Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg.  Terningkast: 2  Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt? Terningkast: 5  Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det.  Terningkast: 3 Ida Maria - Scandilove Hurra! Endeleg ein