Gå til hovedinnhold

Vakre, vakre Vågå!

Feriens fyrste langtur gjekk til vakre Vågå. Min tidlegare heimplass, som eg flytta frå i fjor sommar. Eg skjønte ikkje kor mykje eg hadde sakna Vågå før eg kom køyrande inn i kommunen på fredag.

Obligatorisk fotoshoot utanfor Vågå-kyrkja. Det er akseptabelt når ein berre er på besøk.

Vågå har vore gjennom mykje i tida etter eg flytta frå kommunen. Det siste året har vore alt anna enn lett for innbyggjarane i kommunen eg er så glad i. Dei har måtte gå gjennom mykje rart det siste året. Det verste tykkjer eg har vore alt det rare som er sagt om innbyggjarane i Vågå på sosiale medium og i kommentarfelt i nettaviser og bloggar.

Eg budde i Vågå i 2 1/2 år og eg vart meir og meir glad i plassen dess lengre eg budde der. Eg lærte meg å kjenne ein gjeng med fantastiske innbyggjarar. Vågå er ei bygd med sosiale og gjestfrie innbyggjarar, og eg følte meg alltid veldig velkomen som innflyttar.

Dess meir eg nærma meg Vågå og Vågåmo på fredag, dess meir kribla det i magen. Eg køyrte fort over Sognefjellet. Hadde ikkje tid til nokon stopp undervegs. Eg ville raskast mogleg fram til Vågå. Då eg kom til Lom kjende eg at eg snart var heime. Vegen mellom Lom og Vågåmo var lang. Då eg køyrte forbi kommuneskiltet til Vågå, gav eg tommelen opp og smilte som berre det!

Meg utanfor kommunehuset i Vågå. Der eg jobba i 2 1/2 år. 

Å vandre inn på kommunehuset. Treffe gamle kollegaer. Så ein tur ned på Vågå ungdomsskule for å treffe dei som var på jobb der. Så vidare til Vågåmo skule. Så glad, så glad!

Tok masse bilde. Var nesten litt turist. Smilte heile tida. Kjende eg har sakna plassen.

Traff gamle vener. Drakk vin. Skravla. Gjekk på fantastiske Bokhandel'n kafé. Åt mat. Drakk meir vin. Skravla meir.

Hello old friends! Cava og veninner. Og skravling. I Vågå. Kan neppe bli betre enn det. 


Dagen etterpå gjekk vi tur. Bort til Klones, der det er blitt nye eigarar.

Nytt sidan eg flytta. B&B på Klones. Obligatorisk med tullingturistbilde! 

Det skjer mykje i Vågå. Det er mange positive folk. Folk som prøver å få til noko.

Nok ein ny ting som har skjedd i Vågå sidan eg flytta; Villaparken vart opna for ikkje lenge sidan. 

Om eg trur Vågå klarar å løfte seg etter det kommunen har vore gjennom? Definitivt! Det kan ta tid, men eg er sikker på at folk ser skjønnheiten i Vågå og alt det vakre som bur i både omgjevnader og menneske på denne plassen.

Eg kjem snart attende, kjære Vågå! :)



Kommentarer

  1. Hei.
    Liker bloggen din svært godt! Du skriv bra!

    Jeg har et par spørsmål:
    1. Hvordan er livet uten tv og hva savner du å se på?
    2. Hvor ser du deg om 10 år? (Buplass, samboee og barn?) Grei ut!
    3. Er Høyanger siste stopp eller flyttet du?
    4. Hvor er drømmeplassen i Norge og verden?
    5. Hva slags menn liker du? Fint med bilde ;)
    6. Hva slags dyn har du på kropp og helse?
    7. Ser du spiser bare 7 oliven og kun 1 eple i løpet av dager. Spiser du alltid så lite? Fortell oss gjerne hva du spiser i alle måltider på en uke?
    8. Fortell gjerne om hvordan kroppen din har forandret seg etter at du blei veganer?
    9. Hva med spørsmålsrunde?

    Her har du masse å skrive om. Gleder meg til følge deg videre Hanne :) Du lyser opp dagen min!

    SvarSlett
  2. Hei du, og tusen takk for fin attendemelding. Eg er vel ikkje vant til spørsmål på bloggen min, men skal prøve så godt eg kan å svare deg så utfyllande eg klarar. :)

    1. Livet utan tv går overraskande bra, men eg skal innrømme eg ser ein del på nett-tv. No har eg teikna meg abonnement på TV2-sumo utelukkande på grunn av tv-serien "Rita", som eg tykkjer er heilt herleg. Men når eg ikkje har tv brukar eg sjølvsagt mykje mindre "dautid" framfor skjerm enn eg gjorde før.
    2. Eg anar ikkje kor eg er om ti år. Eg likar ikkje å planlegge så mykje for framtida, men følgjer magekjensla mi. Det har fungert bra til no.
    3. Eg anar heller ikkje om Høyanger er siste stopp. Eg veit ikkje kva framtida bringer, men eg trivst veldig godt her, og har ingen umiddelbare planar om å flytte.
    4. Eg er veldig glad i USA. Har vore noko der, men ønskjer meg alltid attende.
    5. Menn som er trygge på seg sjølv og som har humor
    6. Vanskeleg å svare noko fornuftig her. Eg ønskjer å ha ein mest mogleg sunn og fin kropp, men eg skal seie eg er meir opptatt av dette no enn for nokre år sidan. Eg er ikkje fanatisk, men vil tru eg er over gjennomsnitteleg fysisk aktiv i alle fal
    7. Eg et som regel ikkje så lite. Men det er dagar då eg rett og slett gløymer å ete. Det skjer viss eg har mykje å tenkje på eller viss eg er veeeldig forelska :) Andre dagar kan eg ete alt eg kjem over og veldig usunt. Eg et frukostblanding til frukost, middagsrester til lunsj (på jobb) og til middag et eg noko enkelt. Gjerne veggisburger med salat.
    8. Eg har blitt tynnare, men det trur eg har med trening å gjere like mykje som veganarlivet. Elles merkar eg ikkje store forandringa.

    Takk for spørsmåla. Veit ikkje om du er nøgd med svara, men tenkte eg skulle gjere det så kort som mogleg. :)

    Veldig hyggeleg at du sett pris på å lese bloggen min! :)

    SvarSlett

Legg inn en kommentar

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Mammaen din er så glad i deg!

Plutseleg er eg blitt eitt av desse irriterande menneska som omtaler meg sjølv i tredjeperson. Det skjer sjølvsagt berre i samtale med vesle bebien min, men sidan det stort sett er berre han eg pratar med om dagen, skjer dette heller ofte.

- Mammaen din skal berre ein liten tur på do, skjønner du
Slik startar dagen når eg må forlate Sigmund åleine i senga vaken og nesten på gråten om morgonen. Eg må fortelje han at eg snart kjem tilbake for å hente han, men at blæra til mammaen hans ikkje er som før og at eg difor må på do.
- Du skjønner, Sigmund, at mammaen din er ikkje så flink til å gjere knipeøvingar

Vi går inn til stellebordet, og der fortsett det: "No skal mammaen din berre finne fram ei bleie, skjønner du. Mammaen din er så glad i deg. Du er sååååå søt".

I løpet av ein dag har eg tatt meg sjølv i å si dette:
- Mammaen din er så glad i deg (dette seier eg ofte)
- Mammaen din elskar deg
- Mammaen din må berre ta på deg lue, skjønner du - fordi det står i Mammabøkene at små bebi…