Gå til hovedinnhold

Verdas vakraste juletre

For 3 1/2 år sidan lagde eg ei liste over 50 ting eg skulle gjere før eg døyr. Nummer 40 på denne lista er: "Gå ut i skogen og hogge mitt eige juletre". Dette hadde eg altså ikkje klart å oppnå endå - før i førre veke.

Midt i pelsdyrdokumentardebatt, budsjettdebattførebuingar og anna vi driv med her i Landbruks- og matdepartementet før jul, vart eg invitert med ut for å hogge juletre. I Vestfold. Og dette var ikkje berre nokre vanlege tre; nei dette er tre som skal eksporterast til Tyskland.

Eg skal prøve å ikkje skrive altfor mykje tekst - difor bileteserie. Så kan du lese meir om eksportsatsinga til Fjordtree her. 
Her ser du altså trea. Fjelledelgran planta i Lardal i Vestfold. Bonden som eig desse trea er ein del av firmaet "Vestfoldtre" som no altså sender mange av trea sine til den tyske marknaden. Dei trea med synleg merkelapp med "Fjordtree" er dei som skal til Tyskland. Det er altså dei mest eksklusive. 


Meg og fleire av representantane eg møtte. Både bønder i Vestfoldtre, representantar frå "Norsk juletre" og representantar for "Fjordtree". Med ny jakke for dagen kan eg nesten bli tatt for å vere ein juletrehoggar eg også. 




Min einaste erfaring med ei sag før dette var å sjå på sagekonkurranse på Farmen. No har eg fått sagd mitt eige tre. Det var tungt. Tyngre enn eg hadde trudd. 


Ferdig sagd! Kjempestolt av meg sjølv. Fortel publikum rundt at det aldri er blitt sagd ned eit tre på betre måte. 


Ikkje ferdig endå. Treet må fraktast bort med rein muskelstyrke. 


Treet skal inn i pakkemaskin. Eg tykkjer litt synd i treet, men tenkjer at det truleg ikkje gjer vondt. 


 Inn i pakkemaskina. 


Ferdig pakka og klar til å fraktast heim. Og nei; dette skal ikkje til Tyskland. Det skal til Landbruks- og matdepartementet! 


Og der kom juletreet på plass i Landbruks- og matdepartementet. Står og luktar godt og gjev oss alle julestemning. 


Tusen takk for juletreet. Takk mest for ein fantastisk oppleving i Vestfold! Eg blir så glad for å møte folk som har tru på produktet sitt. Som seier; produktet vårt er fantastisk godt og vi kan selge det for mykje pengar. Menneske som tenkjer positivt og ønsker å gjere det bra. Det er slike menneske som skapar verdiar og som sørgjer for at Noreg går bra. 

Mine heltar er ikkje berre innovative matprodusentar som gjev oss god mat i jula. Mine heltar er også dei som gjev oss vakre juletre. Som dei eg møtte i Vestfold. 

Og det flottaste juletreet i verda. Kor er det? Jo, det står ein plass i ein skog heime i Valdres og ventar på at eg og Trond skal hente det om ei vekes tid. Javisst er det kanskje ikkje så symmetrisk som det som står i departementet, men for oss to kjem det til å vere det vakraste. Fordi vi hogger det i lag. Fordi vi hogger det i eige skog. Og fordi vi hogger det med kjærleik. 

God juletrejakt alle saman!


Kommentarer

  1. Kjempefint at du satte av tid til dette! Det er tydelig at du ble tatt godt imot i Vestfold; skulle da bare mangle også - det er trivelige og dyktige folk som vet hva de driver med. Men også modige; De velger å gå inn i mulighetsrommet, og de gir seg ikke før de finner lysbryteren:-)

    Det er moro å lese det du skriver. Takk for at du delte denne opplevelsen!

    Riktig god jul :-)

    SvarSlett
  2. Vart tatt kjempegodt i mot i Vestfold. Var verkeleg flott å vere der, og juletreet står framleis fint. Ikkje vanskeleg å ha tru på dei som har jobba fram denne satsinga. Godt nytt år til deg, og takk for hyggeleg attendemelding!

    SvarSlett

Legg inn en kommentar

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 
Terningkast: 2 

Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?
Terningkast: 5 
Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 
Terningkast: 3
Ida Maria - Scandilove Hurra! Endeleg ein song som får meg i godt humør. Ved fy…