Gå til hovedinnhold

Travelt før stormen

Snart er vi i gang med årets jordbruksoppgjør. I neste veke (24.april) kjem jordbrukets krav, og då er tida i alle fall full fram til 17.mai.

Fram til dette startar neste fredag, brukar eg tida til å få reist litt rundt i landet. Det er lenge sidan sist det var så travelt på reisefronten, og denne veka blir tre av fem arbeidsdagar brukt til å bli kjend med landet vårt.

På måndag var eg i Skjåk, der temaet var utmarksforvaltning.

Utmarka i Skjåk viste seg frå sin beste side. Det meste fungerer jo flott i utmarka, men det er jo alltid rom for å betre ting i forvaltninga av han. Det var kva eg fekk innspel til i Skjåk. 


På tur heimover att tok vi ein tur innom Lom biovarme. Dei bruker flis frå trea i bygdeallmenningen i Skjåk til sin varmeproduksjon. Flott bedrift med positive gründarar. All grunn til å smile når eg både får sjå på biovarmeanlegg. 

I morgon reiser eg til Nord-Trøndelag og Stjørdal for å delta på konferanse for kystskogbruket. Der skal eg halde eit innlegg eg førebur no, og eg skal delta på konferansen.

Seinare den dagen går turen til plassar eg aldri har vore. Og no pratar vi Åfjord. Temaet der 16. og 17.april er både fjellstyrer, statsallmenning, lokalmat og lokal utvikling innanfor landbruk og mat. Eg gler meg! Det verkar til å vere ein livat plass, og eg har jo alltid likt trøndarar.

Og på laurdag skal eg til Bagn i barnebursdag til mi fire år gamle niese. Gåva blir nok heilt sikkert noko laga av tre. :)

Kommentarer

Populære innlegg fra denne bloggen

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv. Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten. Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgon

Hanne tester trappene i Høyanger

Høyanger er visstnok kjend for sine trapper. Dette heng saman med vatnforsyning og industri (eg skal finne ut meir om dette når eg skal på industrimuseet seinare i veka). Det er to trapper i Høyanger. Ei med omlag 1250 trappetrinn og ei med 2500 trappetrinn. Optimistisk som eg er bestemte eg meg for å teste den lengste av dei. Dette bilete er take rett etter at eg har gått heimanfrå. Eg bur i eit bustadområde rett på venstresida av bileteramma. Trappa kan du sjå der langt framme på fjellet omtrent midt i biletet. Du ser det som ein grå strek som går oppover. Elva er også rett ved der eg bur, og eg såg mange fiskarar på vegen fram og attende (fisking rett utanfor stovedøra, bokstaveleg talt!). Høyanger sentrum ligg i motsatt retning, altså der elva renn ut i fjorden. No ser du at eg nærmar meg. Også eg begynner å tru at det er håp om at eg skal kome fram. Litt skeptisk på om det er lov til å gå inn på området nå, og tenkjer: "neinei, eg må snu!". Då ser

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år. Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg.  Terningkast: 2  Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt? Terningkast: 5  Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det.  Terningkast: 3 Ida Maria - Scandilove Hurra! Endeleg ein