Gå til hovedinnhold

Der mannen måkar snø og kvinna bakar

Etter eg flytta inn i nytt hus har eg fått ein enorm lyst til  å bake, lage mat og eksperimentere på kjøkkenet. Kvar morgon i helgene (som altså er då eg er heime, sidan eg bur i ein stusseleg leilighet i Oslo på vekedagane) bakar eg brød, koker kraft og lager ting som linseboller, vegisterkaker eller anna eg kan fryse ned.

Eg trur det har noko med at eg no endeleg har stort kjøkken med stor skåpplass og stor benkeplass. No har eg plass til ti mjøltyper i skåpet og eg har plass på benken. Eg har til og med kjøpt meg ei gigantisk kjøkkenmaskin.

At eg har ein kjæraste som elskar brøda mine (eg veit kva du tenkjer, men her pratar vi altså om bakverket), gjer at det blir ekstra moro. Eg bakar brød i helgene. Fryser dei ned, og så et Trond brød på vekedagane og skryt til meg på telefon kor gode dei er. Kritisk vart den veka som gikk, sidan han gjekk tom og måtte kjøpe brød på butikken (ulykke for ei husmor som meg) - nok eit bevis på at eg må reise heim kvar helg og ikkje surre i Oslo slik eg har gjort dei to siste helgene. Mannen min treng meg!

Brødlaging på gang denne laurdagen. Sidan eg har berre to brødformer og liten plass i fryseren er dette nok kvar helg. Ny frysar skal snart bli kjøpt inn og då skal Kenwood'en få kjørt seg!



Mens eg ventar på brødheving lagar eg knekkebrød. Litt svidd, men skummelt gode (og eg innbillar meg dei er sunnare enn dei eg kjøper på butikken). 


Slenger også sammen ein "eltefri deig" nesten utan gjær (som eg har funne ut funkar bra etter å ha overdosa gjær til alt eg lagar i frykt for at det skal bli flatt og hardt) som skal stå til heving til neste dag.

Sundagsmorgon startar med P2. Kven sier ein blir dum av å vere husmor?


Til lytting på Språkteigen kokar eg kraft. Det treng eg til den brune sausen til sundagsmiddagen seinare i dag (som då er nøttesteik som eg har mengder att av frå jula og som no tek opp for mykje plass i frysaren). 


Ferdigheva eltefritt brød slenger eg berre opp i ei glodvarm gryte og vips inn i omnen med det. 


45 minutt i glovarm omn og brødet er ferdig. Verdas beste brød klart til ein romantisk og sein frukost for meg og kjærasten. 

Og mens eg er inne og bakar brød er Trond ute og måkar snø av taket. Vi har eit tradisjonelt kjønnsrollemønster i heimen vår. Eg er og spelar ekstra hjelpeslaus når det kjem til bilting, snøting og snekreting i heimen. Eg tykkjer det er fint å sleppe alt det der når eg endeleg har funne meg ein praktisk mann som eg vil dele resten av livet mitt med. Han likar brøda mine og eg likar at han er praktisk. Eg har også funne ut at eg trivst veldig godt foran kjøkkenbenken. Eg er lukkeleg der mens eg høyrer på Ekko på P2. 8.mars skal eg forresten på spa. 

Til lukke med Valentinsdagen alle saman. Eg er i lag med kjærasten min. Til gåve fekk eg ein tørka blome han fann i vedkorga. Ingen skal påstå romantikken ikkje blomstrer i heimen der mannen måkar snø og kvinna bakar. 




Kommentarer

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 
Terningkast: 2 

Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?
Terningkast: 5 
Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 
Terningkast: 3
Ida Maria - Scandilove Hurra! Endeleg ein song som får meg i godt humør. Ved fy…