Gå til hovedinnhold

Finale i kveld - her er mine terningkast

1. Belgia

Laura Tesoro - What's the pressure
Feelgood-music. Du får lyst til å danse. Minnar litt om UK sitt bidrag i fjor. Får ein kjensle av 80-tal kombinert med litt Sophie Ellis-Bextor. Låta vart mykje betre live enn då eg høyrte ho på Spotify fyrste gong. Jenta kan jo både danse og synge! Du får lyst til å feste av dette. Bra Belgia! Opp ein karakter frå lytting til sjåing.

Terningkast: 5


2. Tsjekkia

Gabriela Guncikova  - I stand
Eg orkar ikkje å høyre fleire låter om "monsters inside my head". Det blir for dumt. Det er ikkje stygt, altså. Det blir berre tåpeleg.

Terningkast: 3


3. Nederland

Douwe Bob - slow down
Nederland er eit morosamt land. Dei har ofte sendt gode låtar, men dei når aldri opp. Det blir liksom for rart. Europa skjønner det ikkje. Det gjer dei nok ikkje i år heller. Men eg skjønner dykk, Nederland! Kom til meg. Dette er koseleg. Litt retro, men koseleg som berre det. Overraska positivt på scena, men ikkje nok til å få ein ekstra karakter ekstra.

Terningkast: 4


4. Aserbajdsjan

Samra - Miracle
Dette landet, som eg aldri klarar å skrive rett, sender stort sett alltid låtar det er lett å like til ESC. Dette er ein lett fordøyeleg poplåt, som forsvinn i mengden, men det kan enkelte gonger vere positivt i denne musikkonkurransa.

Terningkast: 3


5. Ungarn

Freddie - Pioneer
Eg brukar ofte å like Ungarn. Men eg likar dei best når dei sender noko folkemusikkprega med sære instrument og kor. Dette er ein syngetype, som ikkje gjør så mykje meir ut av seg enn å synge. Sangen er, nok ein gong, midt på treet.

Terningkast: 3


6. Italia 

Francesca Michielin - no degree of separation
Eg har vore svak for dei italienske bidraga dei siste åra. At dei ikkje vann i fjor, er ein skam! Ein skam! Fuck you, fagjuryar. Heia publikum! Dette er ikkje like bra som fjorårets bidrag, men det er mektig Italiensk. Og eg likar det. Sjølvsagt!

Terningkast: 4


7. Israel

Hovi Star - Made of stars
Bobyband-feeling! Og det likar eg. Dette er også svulstig, men eg er tydeligvis i det humøret og i den tilstand at eg likar det sentimentalt. Ja, la meg gråte! NO! "We are all made of stars" (nei, vi er vel eigentleg ikkje det, men eg kjøper det!). Eg må nok justere ned etter liveopptreden i semifinala. Makan til glatt og blærete type skal ein leite lenge etter. Sorry, altså. Null poeng frå Heggenes.

Terningkast: 3


8. Bulgaria

Poli Genova - If love was a crime
Svulstig tittel gjør jo at forventingane er forholdsvis låge før eg lyttar til låta. Og dette startar som noko eg vil tru ungdomsskuleelevar høyrer på - altså noko som er på topp 20-lista. Eventuelt litt Scooter-inspirert (referanse fungerer berre for oss mellom 25 og 40). Elles er dette ganske kjedeleg. Eg justerer ikkje opp terning etter liveopptreden, men eg trur dette kan gjere det bra. Det ser kult ut.

Terningkast: 3


9. Sverige

Frans - If I were sorry
Eg høyrte denne låta fyrste gong i ei semifinale i Melodifestivalen. Eg tenkte "Fy søren for ein søt låt, men den kjem jo aldri til å vinne". Det gjorde den gitt. Dette er mykje betre enn dei spjåkete, kalkulerte, sjarmlause og lite ekte låtene Sverige har sendt dei siste åra.

Terningkast: 5


10. Tyskland

Jamie Lee - Ghost
Fin låt som aldri tek av. Låta er vanskeleg å få tak på. Eg skjønner ikkje kva dei vil med låta.  Eg føler meg ganske sikker på at Tyskland ikkje vinn i år.

Terningkast: 3


11. Frankrike

Amir - J'ai Cherche
Dette er visst også av favorittane til årets konkurranse. Det kan eg forsåvidt forstå. Men dei fem store når sjeldan opp. Sjølv om dette er fint, vinn det aldri.

Terningkast: 3


12. Polen

Michael Szpak - Color of your life
Eg likar slike svulstige ballader med litt tempo slik at dei ikkje blir heilt døde. Dette er betre enn på lenge, Polen. Jada; dette er så klisjefyllt at det nesten blir kvalmt ("Tell me, black or white?"). Og ja; eg er litt øydelagt! Her er eg så barnsleg at eg justerer ned etter semifinale 2 fordi eg tykkjer det lange håret, barten og den raude dressen vart for mykje. Eg kan ikkje gje dette så høg poengsum, rett og slett.

Terningkast: 3


13. Australia


Dami Im - Sound of silence
Er det Enya? Eller er det berre ein Disney-låt? Nei - det er Australia! Velkomen til Europa dykk frå Down Under. De skal få bli her hjå oss! Etter liveopptreden er eg ikkje blitt større fan av songen, men eg meiner dei har forsterka sjansene sine til å vinne. Skulle eg putta pengar på ein vinnar akkurat no, puttar eg pengane på Australia.

Terningkast: 4


14. Kypros

Minus-one: Alter ego
Wannabe-rockere. Prøver å vere litt The Killers, og det fungerer forsåvidt. Denne låta er av dei betre i denne semifinalen. Jammen gjekk dei ikkje vidare også - det hadde eg ikkje trudd. Imponerte ikkje stort live, men skuffa ikkje nok til at eg trekk dei ned.

Terningkast: 5


15. Serbia

ZAA Sanja Vucic - Goodbye (Shelter)
Me like! Det er noko med melodien. Det er noko med måten å synge på. Dette er fint å høyre på. Du blir ikkje i godt humør, men du får lyst til å drikke ein ekstra god klunk med vin. Serbia imponerte også live i fyrste semifinale. Dei kan bli farlege. Verkeleg farlege.

Terningkast: 5


16. Litauen


Donny Montell  - I've been waiting for this night
Eg tok feil i stad. Det er denne låta her som minnar om One Diresction! Det er tydeligvis noko med meg og Boyband. Verset kjedeleg her, men refrenget er flott. Vi likar dette! Etter liveopptreden, justerer eg ned. Det blir for kjedeleg med alle desse glatte unggutane som syng One Direction-låter.

Terningkast: 4


17. Kroatia

Nina Kraljic - Lighthouse
Kroatia + ei dame som heiter Nina og noko eg ikkje klarar å uttale. Eg har store forhåpningar før eg høyrer låta. Og det startar fint. Det minnar meg om ein blanding av Bertine Zetlitz og noko anna eg har høyrt, men ikkje hugsar kva er. Eg likar dette. Ikkje supert, men betre enn gjennomsnittet. Beste song så langt!

Terningkast: 4


18. Russland

Sergey Lazarev - You are the only one
Dette har eg likt frå fyrste gong eg høyrte låta. Eg visste ikkje det var Grand Prix. Eg visste ikkje det var Russland. Det veit eg no. Og det er denne låta som kjem til å vinne i år. Det er supert. Det er Russland. Det er årets vinner, og det er betre enn sist dei vann. Heia Russland! Det var ingen artistar som gjorde meg meir flau under semifinalene enn Russland. Makan til pinleg sceneshow. Det ser berre dumt ut! Dessutan likna det på Sverige i fjor. Eg elskar låta - hatar sceneshowet. Var glad eg ikkje trekker meir enn eit poeng!

Terningkast: 5


19. Spania

Barei - Say Yay!
Eg er svak for spansk språk og spanske rytmer. Eg drømmer framleis om å lære meg spansk. Difor blir jo skuffelsen veldig stor når artisten syng på engelsk. Dette minnar meg om ein svak versjon av ei eller anna amerikansk gospel-aktig-synge dame, som går i bikini på scena.

Terningkast: 2


20. Latvia

Justs Sirmais - Heartbeat
Elektronika? Eller noko slikt...det gjev ikkje meg støt, akkurat. Det er kjedeleg. Eg sovner, trur eg.

Terningkast: 2


21. Ukraina

Jamala - 1944
Dette må vere årets mest oppskrytte låt. Altså; eg har sympati for Ukraina og alt det der, men sorry; Russland er best i Grand Prix, altså. Dette er grusomt. Og grusomt kjedeleg. Eg skjønner ikkje kor anmeldarar og ekspertar finn kvaliteten her. Liveopptreden hjalp ingenting på, forresten.

Terningkast: 1


22. Malta

Ira Losco - Walk on water
Kjedeleg. Dette er også ein av desse midt-på-treet-poplåt-framført-av-syngedame. Eg blir ikkje imponert. Det er til og med mogleg eg må gå på do. Eg justerer opp etter liveopptreden. Eg trur dette kan kome høgt. Dama har utstråling og dette kan bli svært bra!

Terningkast: 4


23. Georgia

Nika Kocharov & Young Georgian Lolitaz
What? Kven er det som syng dette, sa de? Eg må riste av meg skepsisen og skride til låta med null fordommar. Georgia er eit rart land i MGP. Det er dei i år også. Dette er ikkje fint.Dette er grusomt!

Terningkast: 1


24. Østerrike

Zoe - Loin d'ici
Koseleg låt, som minner litt om Helene sine låter i "Helene-gutta", men der eg kanskje vil rangere Helene sine eit hakk høgare. Det er ikkje dårleg dette, men det er ikkje bra heller. Eg justerer opp etter liveopptreden. Ikkje fordi det er så veldig høg kvalitet, men Zoe er jo så søt. Og så blid. Dette har mykje sjarm!

Terningkast: 4


25. England

Joe & Jake - You're not alone
Nei - eg skal ikkje si dette minnar meg om One Direction. Men veit de kva? Eg tykkjer det gjer det! Det er kanskje uorginalt å si at alt minnar om One Direction, men det gjer det!! Men for n'te gang; eg likar One Direction, eg!

Terningkast: 3


26. Armenia

Iveta Mukuchyan - LoveWave
Åjåjåj. Her startar vi med viskesynging. Og så veit eg ikkje heilt kva det blir etter det. Kva prøver denne låta eigentleg å vere? Dette er rart. Og ikkje på ein god måte. Men det ser ut som ho er ei pen dame, så eg tippar dei går vidare. Og det gjorde dei også - utruleg nok.

Terningkast: 2


Kven eg trur vinn? Australia, med Belgia og Serbia som sterke utfordrarar. Også trur eg Malta kan overraske. 

Kommentarer

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 
Terningkast: 2 

Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?
Terningkast: 5 
Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 
Terningkast: 3
Ida Maria - Scandilove Hurra! Endeleg ein song som får meg i godt humør. Ved fy…