Gå til hovedinnhold

Nei! Det var ikkje ein sjokk-exit! Det var heilt venta.

Eg sluttar aldri å bli overraska over norske medier sin inngang i Eurovision Song Contest. Det verkar nesten som dei trur vi kjem til å vinne kvart einaste år. Og vi har tydeligvis den beste låta kvart einaste år. Og dei som ikkje forstår det, skjønner ikkje sitt eige beste. Resten av Europa ligg nemlig litt bak vår musikksmak.


I år har vi vore langt nede på bettinglistene. Det er ingen som har spådd Noreg i toppen. Det har vore over tjue land som bookmakerane har meint at etter all sannsynlegheit kom til å gjere det betre enn oss. Det bryr riktignok ikkje norske MGP-journalistar seg om. Noreg er nemlig best. Uansett. 

Nei, kjære alle norske aviser. Det var ikkje eit sjokk at Noreg ikkje kom vidare. Det var heilt venta. 

Javisst er det trist. Javisst kan vi meine det er surt. Javisst meiner også eg at Noreg hadde betre låt enn mange av dei som gjekk vidare. Men vi var ikkje gode nok. Sorry!

Og ver snill; spar oss for konspirasjonsteoriane. Det er ikkje Øst-Europa som har bestemt seg for å halde Norden ute av konkurransen. Sverige vann i fjor. Noreg har vore i finalen stort sett kvar einaste gong dei siste åra. Og det hender også i blant at alle nordiske land er saman i finala. Og veit de kva? Vi stemmer på kvarandre vi også - akkurat som andre naboland. 

Men det hender også at vi vinn. Det er faktisk ikkje så altfor lenge sidan sist. Og etter det har vi til og med henta ein del poeng frå alle deler av Europa. 

I år var vi dessverre ikkje gode nok. Det har vi moglegheit til å gjere noko med til neste år.



Kommentarer

Populære innlegg fra denne bloggen

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv. Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten. Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgon

Hanne tester trappene i Høyanger

Høyanger er visstnok kjend for sine trapper. Dette heng saman med vatnforsyning og industri (eg skal finne ut meir om dette når eg skal på industrimuseet seinare i veka). Det er to trapper i Høyanger. Ei med omlag 1250 trappetrinn og ei med 2500 trappetrinn. Optimistisk som eg er bestemte eg meg for å teste den lengste av dei. Dette bilete er take rett etter at eg har gått heimanfrå. Eg bur i eit bustadområde rett på venstresida av bileteramma. Trappa kan du sjå der langt framme på fjellet omtrent midt i biletet. Du ser det som ein grå strek som går oppover. Elva er også rett ved der eg bur, og eg såg mange fiskarar på vegen fram og attende (fisking rett utanfor stovedøra, bokstaveleg talt!). Høyanger sentrum ligg i motsatt retning, altså der elva renn ut i fjorden. No ser du at eg nærmar meg. Også eg begynner å tru at det er håp om at eg skal kome fram. Litt skeptisk på om det er lov til å gå inn på området nå, og tenkjer: "neinei, eg må snu!". Då ser

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år. Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg.  Terningkast: 2  Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt? Terningkast: 5  Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det.  Terningkast: 3 Ida Maria - Scandilove Hurra! Endeleg ein