Gå til hovedinnhold

Semifinale 1 i Eurovision Song Contest - min dom

1. Finland

Sandhja - Sing it away
Lett likande poplåt, som du har gløymt omlag eitt sekund etter du har høyrt låta. Du får kjensla av at du har høyrt dette før, og at du eigentleg ikkje treng høyre det att.

Terningkast: 3


2. Hellas

Argo - Utopian land
Hellas brukar ofte å stille med låtar som eg likar. Anten det er lettkledde syngedamer eller testosteronsprengte ompa-ompa-fyrar. Dette her veit eg ikkje heilt kva er, men det startar bra. Litt folkemusikkpreg, men så blir det berre verre og verre. Dette er grusomt. Det er korkje fin syngedame (trur eg) enn ompa-ompa.

Terningkast: 1


3. Moldova

Lidia Isac - Falling stars
Tydeligvis ei syngedame som likar å vise kor flink ho er. Det høyrast i starten ut som syngejukking, eller kva du kallar det. Referenget er betre enn verset. Men dette blir ikkje meir enn midt på treet dette heller (som så mykje i denne semifinala).

Terningkast: 3


4. Ungarn

Freddie - Pioneer
Eg brukar ofte å like Ungarn. Men  eg likar dei best når dei sender noko folkemusikkprega musikk med sære instrument og kor. Dette er ein syngetype, som ikkje gjør så mykje meir ut av seg enn å synge. Sangen er, nok ein gong, midt på treet.

Terningkast: 3


5. Kroatia

Nina Kraljic - Lighthouse
Kroatia + ei dame som heiter Nina og noko eg ikkje klarar å uttale. Eg har store forhåpningar før eg høyrer låta. Og det startar fint. Det minnar meg om ein blanding av Bertine Zetlitz og noko anna eg har høyrt, men ikkje hugsar kva er. Eg likar dette. Ikkje supert, men betre enn gjennomsnittet. Beste song så langt!

Terningkast: 4


6. Nederland

Douwe Bob - slow down
Nederland er eit morosamt land. Dei har ofte sendt gode låtar, men dei når aldri opp. Det blir liksom for rart. Europa skjønner det ikkje. Det gjer dei nok ikkje i år heller. Men eg skjønner dykk, Nederland! Kom til meg. Dette er koseleg. Litt retro, men koseleg som berre det.

Terningkast: 4


7. Armenia

Iveta Mukuchyan - LoveWave
Åjåjåj. Her startar vi med viskesynging. Og så veit eg ikkje heilt kva det blir etter det. Kva prøver denne låta eigentleg å vere? Dette er rart. Og ikkje på ein god måte. Men det ser ut som ho er ei pen dame, så eg tippar dei går vidare.

Terningkast: 2


8. San Marino

Serhat - I didn't know
I går høyrte eg og kjærasten gjennom ESC-låtene (han er snill i blant). Då denne starta sa eg til han: "Det er jo nesten som Nick Cave dette. Men Nick Cave burde lært av han her og rocka opp låtene litt meir i refrenget". Kjærasten min er stor Nick Cave-fan, og eg sa dette berre for å vere morosam, og for å få han sint. Serhat prøver å vere Nick Cave kan det verke som, og det lukkast ikkje. Det er ikkje mørkt, dette. I alle fall ikkje på ein god måte. Det blir berre tåpeleg. Garantert ikkje vidare.

Terningkast: 2


9. Russland

Sergey Lazarev - You are the only one
Dette har eg likt frå fyrste gong eg høyrte låta. Eg visste ikkje  det var Grand Prix. Eg visste ikkje det var Russland. Det veit eg no. Og det er denne låta som kjem til å vinne i år. Det er supert. Det er Russland. Det er årets vinner, og det er betre enn sist dei vann. Heia Russland!

Terningkast: 6


10. Tsjekkia

Gabriela Guncikova  - I stand
Eg orkar ikkje å høyre fleire låter om "monsters inside my head". Det blir for dumt. Det er ikkje stygt, altså. Det blir berre tåpeleg.

Terningkast: 3


11. Kypros

Minus-one: Alter ego
Wannabe-rockere. Prøver å vere litt The Killers, og det fungerer forsåvidt. Denne låta er av dei betre i denne semifinalen.

Terningkast: 5


12. Østerrike

Zoe - Loin d'ici
Koseleg låt, som minner litt om Helene sine låter i "Helene-gutta", men der eg kanskje vil rangere Helene sine eit hakk høgare. Det er ikkje dårleg dette, men det er ikkje bra heller

Terningkast: 3


13. Estland

Juri Pootsmann - Play
Estland brukar alltid å ha fine lytteverdige låtar, som er slik midt på treet. Eg trur dei vann ein gong, men den låten er det ingen som hugsar. Ingen kjem til å hugse denne låta heller. BORING!!

Terningkast: 2


14. Aserbajdsjan

Samra - Miracle
Dette landet, som eg aldri klarar å skrive rett, sender stort sett alltid låtar det er lett å like til ESC. Dette er ein lett fordøyeleg poplåt, som forsvinn i mengden, men det kan enkelte gonger vere positivt i denne musikkonkurransa.

Terningkast: 3


15. Montenegro

Higway - The real thing
Det gjør så vondt, så vondt! Kva prøver dei å vere? Alice in Chains? (eller Alice in change, som eg kallar dei når kjærasten insisterer å høyre på det i bilen). Hadde eg ikkje vore gravid, hadde dette garantert vore røykepause. Du får lyst til å rive av deg eit eller anna eller innta noko sterkt. Eg tek ein urtesnus og går på do.

Terningkast: 1


16. Island

Greta Salome - Hear them calling
Vi liker alltid Island. Dei sender alltid noko med kvalitet og som kan vere fint å høyre på. Også i år. Men også dette er anonymt synge-dame-aktig, som ikkje stikk seg ut på nokon måte.

Terningkast: 3


17. Bosnia Hercegovina

Dalal & Dean - Ljubav je...
Eg er svak for felespelet i starten. Eg er også svak for synging på slavisk (hugsar du Boris Novkovic i 2015? Beste låta som aldri vann!). Dei øydelegg imidlertid fullstendig med noko slags håplaus rapping midt i låta. Dette ville blitt ein firar, viss det ikkje var for akkurat det.

Terningkast: 3


18. Malta

Ira Losco - Walk on water
Kjedeleg. Dette er også ein av desse midt-på-treet-poplåt-framført-av-syngedame. Eg blir ikkje imponert. Det er til og med mogleg eg må gå på do.

Terningkast: 3


Kommentarer

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 
Terningkast: 2 

Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?
Terningkast: 5 
Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 
Terningkast: 3
Ida Maria - Scandilove Hurra! Endeleg ein song som får meg i godt humør. Ved fy…