Gå til hovedinnhold

Drømmen om Syden - livet i permisjon, del 4

Eg elskar ferie. Eg elskar å reise. Eg elskar charterturar. Eg elskar å ligge ved eit basseng eller på ei strand mens eg les bok og høyrer på musikk. Eg elskar varmen utover kvelden. Eg elskar å ete middag på restauranter. Eg elskar å nyte eit glas vin til solnedgangen. I eit anna land.

Eg elskar rett og slett Syden.

Eg elskar også draumen om Syden. Bestilling av turen er halve moroa. Lengselen etter å reise. Sjå på bileta av hotellet vi skal bu på og staden vi skal til. Glede seg til å reise. Å ha noko eg kan sjå fram til.

Her er eg lykkeleg. I Syden. I fjor. Det blir med drømmen i år. 

I år blir det ingen ferie. Og det gjer meg enormt deprimert. Eg har ingenting å sjå fram til, brukar eg å seie. Trond brukar å bli sint på meg når eg seier det. Og han meiner at, i tillegg til at vi har "alt" å sjå fram til, bør vi heller bruke pengane til alt som må fiksast i huset. Dessutan er det mykje finare i Valdres enn alle andre plassar, seier han.

Mest vanleg googlesøk for meg dei siste dagane har vore "Syden med baby" i alle moglege variantar. Kor gamal bør babyen vere før eg tek han med på ferie? Her finst det ikkje noko fasitsvar (sjølvsagt). Eg har likevel funne ut at tre månader er passe tid. Uti oktober-november-desember kan det forsvarast å ta med ein baby på tur har eg resonnert meg fram til, og eg tilpasser søk etter turar til det.

Eg ser på hotell. På plassar eg kan reise til. Eg har akseptert at eg aldri får med meg Trond til Thailand eller Mexico, men kanskje eg kan overtale han til å bli med til Gran Canaria? Det er tross alt ikkje så langt, sjølv om han nok meiner han er for kul for "Granka".

Eg drømmer om suite med direkte utgang til basseng. All inclusive hotell. Fem stjerners hotell. Spa. Treningsrom. Paraplydrinkar. Varme. Gåturar med vogn. Babysvømming. Eg og babyen i vatn. Vi smiler og er lykkelege. Eg elskar dette livet, og det gjer sjølvsagt babyen (som altså endå ikkje er født, om de lurte) også.

Eg ser på alternativ. Ser at det allereie begynner å bli utseld slike drømmerom med direkte utgang til basseng. Sier til Trond; "Vi må bestille no! Det hastar". Han ser dumt på meg. Lurer på om det har rabla for meg.

Og ja; eg veit vi må vente. Til babyen har kome. Til vi veit korleis livet blir. At om maks to veker er det ikkje lenger mine eigne ønskjer og drømmer som skal bli prioritert. Sukk!

Eg veit også at babyen ikkje kjem til å glede seg til Sydentur, slik som eg vil gjere. At han ikkje kunne brydd seg mindre om han er i Syden eller her heime. Antageligvis er det aller beste for han å vere heime. Ferietur det fyrste året er mest for min del - ikkje for han sin del.

Men inntil vidare lev eg med drømmen. Drømmen om den smilande babyen og meg i eit basseng. Eg er lykkeleg og då er babyen lykkeleg.

Trond ligg og halvsøv med ein øl, og tenkjer plutseleg at dette livet ikkje er så aller verst, og at vi kan tilbringe permisjonstida i varme strøk i staden for i vintertunge Heggenes.

I drømmen min er vi nemlig verdas lykkeligaste vesle familie, som slappar av i eit basseng og høyrer palmesusen i det fjerne.

Kommentarer

Populære innlegg fra denne bloggen

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv. Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten. Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgon

Hanne tester trappene i Høyanger

Høyanger er visstnok kjend for sine trapper. Dette heng saman med vatnforsyning og industri (eg skal finne ut meir om dette når eg skal på industrimuseet seinare i veka). Det er to trapper i Høyanger. Ei med omlag 1250 trappetrinn og ei med 2500 trappetrinn. Optimistisk som eg er bestemte eg meg for å teste den lengste av dei. Dette bilete er take rett etter at eg har gått heimanfrå. Eg bur i eit bustadområde rett på venstresida av bileteramma. Trappa kan du sjå der langt framme på fjellet omtrent midt i biletet. Du ser det som ein grå strek som går oppover. Elva er også rett ved der eg bur, og eg såg mange fiskarar på vegen fram og attende (fisking rett utanfor stovedøra, bokstaveleg talt!). Høyanger sentrum ligg i motsatt retning, altså der elva renn ut i fjorden. No ser du at eg nærmar meg. Også eg begynner å tru at det er håp om at eg skal kome fram. Litt skeptisk på om det er lov til å gå inn på området nå, og tenkjer: "neinei, eg må snu!". Då ser

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år. Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg.  Terningkast: 2  Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt? Terningkast: 5  Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det.  Terningkast: 3 Ida Maria - Scandilove Hurra! Endeleg ein