Gå til hovedinnhold

I kveld heiar eg på Ronaldo - og Portugal

Det er eitt eller anna med den norske mentaliteten som gjer meg uvel. Kollektiv hetsing av andre menneske er eit slikt fenomen. Kollektiv hetsing av folk vi meinar fortener det. Som er gode i det dei driv med, men som ikkje er så audmjuke som vi i Noreg sett pris på.

I Noreg skal du nemlig ikkje vise at du sjølv meiner du er flink. Du skal oppføre deg såkalla "audmjukt". Du skal vere sjenert. Du skal helst ikkje vere rik. Då kan du få lov til å vere god. Men gud forby - ikkje sei sjølv at du er god!

Christianio Ronaldo. Ein av verdas beste fotballspelarar. Til tider genial. Til tider ganske dårleg. Til tider nesten usynleg. Og svært ofte veldig annleis enn det mange nordmenn sett pris på.

Portugal har vore ganske dårlege i EM. Dei har spelt dårleg fotball. Kjedeleg fotball. Ronaldo har vore nesten usynleg. Eg har fleire gonger tenkt; "er det ikkje på tide Portugal sett inn på denne Ronaldo eg høyrer så mykje om?".

Denne Ronaldo er ein fyr det er lett å mislike. Han blir sur om han gjer det dårleg. Han er sjølvsentrert til tusen. Han framstår arrogant. Han framstår bortskjemt. Han verkar enkelte gonger til å vere det eg då eg var liten definerte som ei god gamaldags "klyse".

Men herregud, kjære alle dykk som spyr ut eder og galle på facebook og andre sosiale medium; han er ein fotballspelar. Kvifor i alle dagar gidd de bli så provosert at de skriv så stygge ting om han? Kvifor i alle dagar gidd de engasjere dykk så mykje slik at de driv med kollektiv mobbing? Skal vi lære opp våre ungar til å tenkje at det er greitt "å ta folk" viss dei berre er usympatiske nok?

Eg blir uvel. Ikkje av Ronaldo, men av alle dykk som hetsar han og som tydeligvis meiner det er greitt. Fordi han fortener det.

Eg er ingen fotballekspert. Men eg har no sett på dei aller fleste kampane Portugal har spelt i EM. Og Ronaldo får nesten aldri dømt frispark i sin favør. Han skulle (truleg) hatt to straffespark som dommarane har oversett. Det verkar for meg som at terskelen for at dommarane skal dømme i favør Ronaldo er mykje høgare enn for andre (meir audmjuke) spelarar.

Ronaldo har ikkje spelt spesielt bra heller. Men så imponerer han med enkelte ting. Det er ikkje vanskeleg å sjå at han er ein god spelar.

I starten av meisterskapen spurte kjærasten min kva for lag vi skulle sette pengar på at vann EM. Eg sa Portugal og han har sett pengar på dei for meg.

Eg har ikkje heia på Portugal så langt i meisterskapen. Mest fordi eg tykkjer dei ikkje er gode nok til å vere i finala. MEN; eitt lag som er i finala, er per definisjon gode nok til å vere der.

I dag startar eg å heie på Portugal. Heilhjarta skal eg halde med dei i finala. Ikkje fordi Trond vinn pengar viss dei vinn. Men fordi eg tykkjer Christianio Ronaldo fortener å vinne gull i eitt EM. Som ein av verdas beste spelarar. Og litt for å peike nase til alle de her heime i den store fotballnasjonen Noreg, som eg veit vil få det så vondt, så vondt inni dykk. Av misunning.


Kommentarer

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 
Terningkast: 2 

Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?
Terningkast: 5 
Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 
Terningkast: 3
Ida Maria - Scandilove Hurra! Endeleg ein song som får meg i godt humør. Ved fy…