Gå til hovedinnhold

Min onde bebi og meg

Etter å ha lese diverse babynettstader og mammanettstader dagleg dei siste månadene, har eg lært veldig mykje om kva andre mødre har som utfordringar.

Eg har slik skjønt at eit vanleg spørsmål nybakte mødre får, er dette: "Er han snill då?". Eg har også lese meg til at dette er eit spørsmål som provoserer mange, sidan det faktisk er vanskeleg å definere om ein bitteliten bebi er snill eller slem.

Difor burde eg vore førebudd då eg sjølv fekk dette spørsmålet. Det var eg imidlertid ikkje. Spørsmålet kom overraskande, og eg burde ha lagd meg nokre artige svar eg kunne brukt og som kunne stoppa kjeften på grand-tantene (det er alltid tanter!) slik at dei spurte litt lurare neste gong dei lurer på noko om bebien.

Det klarte eg ikkje, og eg endte (som vanleg) opp med å svare noko dust. 
Grand-tante: Er han snill då?
Hanne: "Det er vel litt vanskeleg å definere om ein bebi er snill eller slem allereie no"
Grand-tante: Eg meiner, skrik han mykje?
Hanne: Han skrik når han er svolten eller viss han treng noko anna (for eksempel fordi han har vondt i magen og treng at eg masserer han slik at han får bæsja eller han treng å rape). Stort sett skrik han fordi han skal ha mat og det må han jo få lov til å gjere (det er hans måte å kommunisere på - for guds skuld).  Han vaknar annankvar time på natta, og det er jo heilt vanleg. Det er nødvendig for han å ete mykje no i starten.
Grand-tante: Åjaja (med slik dustete tonefall og kritisk blikk som seier, utan å seie det, at ungen min er altfor krevjande og at eg let han vere krevjande og at eg burde la han skrike litt meir utan å skjemme han bort med å gje alt for mykje mat. På min tid, nemlig, så gav vi mat berre kor fjerde time, og ikkje meir enn 15 min kvar gong. Det gjorde vi for å ikkje skjemme bort ungane).

Som de ser: eg gav alt for omstendelege svar. Eg burde ikkje røpa så mykje om våre rutiner. Eg burde ikkje fortelje at bebien min får mat annakvar time på natta (og endå oftare på dagen). At eg tilpassar meg bebien framfor at han skal tilpasse seg meg (for guds skuld; han er ein liten bebi som treng tid til å tilpasse seg den skumle verda utanfor magen). No har nemlig grand-tantene masse dei kan fortelje om meg på kaffislaberas. Som til dømes at vesle Sigmund kjem til å bli kjempebortskjemt fordi mammaen hans let han ete heile tida og fordi ho går rundt og ber han på magen heile dagen. Og ja; han kjem til å bli enebarn også, veit de.  Og sjølvsagt; dei unge i dag burde gjere meir som vi gjorde på 60-talet.

Så eg har lagd meg nokon korte svar som eg skal bruke neste gong eg får spørsmål om bebien min er snill:

Alternativ 1: Nei - han minnar meg litt om Pol Pot (eller annan jævel frå verdshistoria)
Alternativ 2: Nei - han har jo femti prosent av meg i seg
Alternativ 3: Nei - han har allereie begynt å mobbe meg. Eg trur eg treng psykolog
Alternativ 4: Eg er så bekymra. I går så drepte han maur og gliste rått av det - akkurat som han mora seg. Eg veit verkeleg ikkje kva eg skal gjere!
Alternativ 5: Veit du kva? Når eg sitt og ammer og vi ser på Game of Thrones, så gliser han rått når det kjem torturscener og så bit han meg i puppen. Han har også innrømma at han heier på Cersei Lannister.
Alternativ 6: Han er veldig slem, men eg har allereie begynt å gje han juling, så eg reknar med det betrar seg (advarsel; kan innebere besøk av barnevernet)
Alternativ 7: Han er slem, så eg må nok adoptere han bort
Alternativ 8: JA
Alternativ 9: NEI
Alternativ 10: Er du snill?




Kommentarer

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 
Terningkast: 2 

Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?
Terningkast: 5 
Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 
Terningkast: 3
Ida Maria - Scandilove Hurra! Endeleg ein song som får meg i godt humør. Ved fy…