Gå til hovedinnhold

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgonen.

Appen er veldig brukarvenleg. Du kan finne kart med tilgjengelege plassar i nærleiken av der du bur og med hentetid. Det fungerer slik at du henter rett etter stengetid. Eg fekk tilslag på Baker Hansen på Adamstuen, som stengte klokka 17, noko som er perfekt sidan Sigmund legg seg klokka 18.

Eg tok Sigmund i bæremeisen og la i vegen. På vegen fekk vi leika i Stensparken og sett på hundelivet (som med godvilje også er jobbrelatert). Og så bar det inn på Baker Hansen presis klokka 17, der eg fekk posen min.

Eg elskar forundringspakker! Så spanande å ikkje vite kva du får.

Dagens fangst; eitt brød, to søtsaker og ein påsmurt foccaciating. Foccaciatingen vart middag. Søtsakene gjekk i fryseren, i lag med brødet som vart skore opp i skiver.

Eg elskar konseptet! Og at det blir så fort utseld betyr at det er etterspurnad etter dette. Og så moro med overraskingsmomentet og at du ikkje veit kva du får. Eg gler meg allereie til å prøve neste gong.

Vi har klart å redusere matsvinnet dei siste åra i Noreg. Vi ser no ei aukande interesse for å klare dette; både hjå butikkane, forbrukarane, bøndene og hjå industrien. For kort tid sidan vart det også signert ei bransjeavtale med mål om å halvere matsvinnet innan 2030. Tilbod du får gjennom "Too good to go" er viktig i så måte, og er ein av dei mange positive bidraga for å redusere matsvinnet i Noreg.

Kommentarer

Populære innlegg fra denne bloggen

Korleis få trent når du er åleine med ein 1-åring heile dagen?

Dei siste månadene har trening vore min ultimate form for åleinetid og måte å hente overskot på. Anten det har vore i form av å springe ut ein kort tur, gjere nokre øvingar med kettlebell'n på gardsplassen eller stikke på treningsrommet i Heggenes. I Oslo har eg meldt meg inn hjå Sats Elixia, og eg har funne ut at eg verkeleg elskar å vere med på gruppetrening (som eg ikkje skjønner kvifor eg ikkje gjorde før når eg hadde masse tid?), og for ikkje å prate om dampbad eller badstue etterpå. Eller ein laaang dusj!


Den veka her er eg imidlertid åleine med Sigmund i Oslo for å ha vakt på jobben. Sidan eg blir sur og lei om eg ikkje får trent og får den åleinetida, var min store bekymring for korleis dette skulle gå denne veka. Korleis får dei som har eineomsorg for ungar eigentleg trent?


Eg har barnepass inkludert i Sats-medlemskapet mitt, men eg har ikkje hatt hjarte til å plassere han der den veka her, sidan eg har vore oppteken av at dette også skal bli "Hanne og Sigmund sin dr…

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 
Terningkast: 2 

Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?
Terningkast: 5 
Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 
Terningkast: 3
Ida Maria - Scandilove Hurra! Endeleg ein song som får meg i godt humør. Ved fy…