Gå til hovedinnhold

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år.

Aleksander Walmann - Talk to the hand
Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg. 

Terningkast: 2 


Charla K - Stop the music
Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt?

Terningkast: 5 

Alejandro Fuentes - Tengo Otra
Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det. 

Terningkast: 3

Ida Maria - Scandilove
Hurra! Endeleg ein song som får meg i godt humør. Ved fyrste gjennomhøring er dette min favoritt - kanskje fordi det stilmessig kan minne meg om ungdomstid og ho syng om skandinaviske hipstergutar? Etter å ha høyrt gjennom to gonger held eg likevel ein knapp på Charla som kveldens beste. 

Terningkast: 5 


Nicoline - Light me up
Også slik nymotens greier som er kjeeeeedeleg. Repeterende og slitsomt!! 

Terningkast: 2


Alexander Rybak - That's how you write a song
Neineinei!! Kva har eg sagt om å stille opp i MGP når du har vunne før? Du gjer det ikkje!! Og i alle fall ikkje når du vann suverent førre gong! Låta er fin, heilt OK, men det blir jo aldri som Fairytale, som alle vil samanlikne med. 

Terningkast: 3


Rebecca - Who we are
Dette er kveldens ballade, og viss eg er i det sentimentale hjørnet i kveld etter å ha sakna Sigmund i ei veke, kjem eg sikkert til å grine. Men du - denne er ganske fin! Eg likar det! Ikkje party, men fint! Pallplass! 

Terningkast: 5 


Tom Hugo - I like I like I like
I same gryta som låt nummer 1. Keisamt og platt. Sikkert likt av kidsa, men ikkje blant oss som framleis drømmer om Carola. 

Terningkast: 2 


Vidar Villa - Moren din
Jada - fint at du syng på norsk. Og eg skjønner at det er ein greie å gje plass til harry norske artistar i mgp. Men pliiz, reis heller til Hemsedal på afterski. 

Terningkast: 1 


Stella Mwangi & Alexandra Rotan - You got me
Neineinei. Kva har eg sagt om å stille opp i MGP når du har vunne før? Riktignok berre den nasjonale finalen, men attpåtil floppa i den internasjonale. Jada, du syng kanskje mindre surt denne gongen, Stella, men det hjelp ikkje. Mest dansbare låta og nesten pallplass! 

Terningkast: 4 




Oppsummering:
Sterkeste felt på mange år! Tre femmarar er supert! Ingen klar vinner i år, så dette blir spanande. Eg ville sett pengane på Charla K! I kveld blir det uansett sjampanje. Hurra! 

Kommentarer

Populære innlegg fra denne bloggen

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv.

Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten.

Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgo…

Språkdebatten var ikkje død

Tidlegare i denne veka var eg deltakar i "Valdresdebattane". Spørsmål vi skulle diskutere var mellom anna: Er det plass til to likestilte språk i Noreg i dag? Eller kostar det for mykje? Er det eit problem at 75 % av ungdommane i Valdres skiftar språk? Og kven har i så fall ansvaret?

Eg var deltakar i debatten saman med mellom anna språkforskar Arne Torp (han frå Joker-reklamene), kommentator Erling Lægreid, Elisabeth Aspaker frå Høgre og ordførar i Vang, Vidar Eltun.

Eg har alltid vore glad i nynorsk, men eg har ikkje alltid vore nynorskbrukar. Eg var også ein av dei som byta målform frå nynorsk til bokmål då eg var elev på vidaregåande skule i Valdres.

Det kan verke lettare å skrive bokmål enn nynorsk. I alle fall når du er ein halvlat 15-åring. Stort sett alt eg las var bokmål, og når du tenkjer etter kva for målform ein møter mest av rundt seg i samfunnet, kan vi ikkje seie at bokmål og nynorsk er likestilt. Når eg i tillegg opplevde at bokmålsstilane eg fekk attende frå …