Gå til hovedinnhold

Moro med flytting


Fyttirakkern så mange ting det klarer å samle seg opp i ein 23 kvm stor leilighet i løpet av tre år. Eg visste eg hadde mykje ræl, men at eg skulle ha så mykje ræl hadde eg ikkje trudd.

No har uansett Ida og Mamma kjørt heim mesteparten av rælet til Valdres, og leiligheten min er for fyrste gong sidan eg flytta inn, ryddig. Dette blir vel min siste laurdag i leiligheten før eg flytter, og eg tenkte eg skulle tenne eit lys, sprette ei flaske Cava og tenke gjennom kva eg har fått ut av desse åra i Oslo. Og så skal eg vel fundere litt på korleis livet framover blir. Livet utan Oslo, utan politikk, utan sushi og utan ein liten leilighet på 23 kvadratmeter. Oslo; eg kjem nok til å savne deg uansett kor fint eg får det i Vågå.

Miljøbevisst som eg er, har eg no pløyd gjennom "gis bort-annonsene" på finn.no. Eg trur ikkje eg gidd å kjøpe meir ræl nytt, så no skal eg anten få gratis eller kjøpe skrekkeleg billig. Og sjølv om det er mykje skrot å få, så er det også ganske mange heilt OK ting. Eg må fylle opp 80 kvadratmeter i Vågå, og sjølv om eg har mykje ræl, så treng eg altså meir ting. Blant anna sofa, bord, hyller, seng +++.

Eg veit eg ikkje skal bruke bloggen som ei annonse, men er du interessert i liten og søt leilighet, så sjå på denne.

Kommentarer

Populære innlegg fra denne bloggen

Too good to go

Denne veka har eg med Sigmund (snart 1 år) på jobb i Oslo. Slik må det nesten bli når eg har vakt, men ikkje barnevakt. Sigmund storkosar seg med å klatre opp trappa til kommunikasjonsavdelinga, mens eg spring etter. I dag fekk eg lese nokre aviser mens Sigmund såg på Pudding-tv. Poenget er at det er svært lite å få gjort av jobbting før etter Sigmund har lagt seg klokka 18. Difor tenkte eg at eg skulle gjere halvveis jobbrelaterte ting som er mogleg å kombinere med å underhalde ein svært aktiv liten krabat. I dag bestemte eg meg difor for å teste appen "Too good to go". For de som ikkje veit kva dette er, så er det altså ein teneste som formidlar kontakt til bakeri, restauranter og hotell, der du kan få kjøpt overskotsmat til ein billig penge. Anten frå det som er att i bakeriutsalet eller som er att etter hotellfrukosten. Fyrste tips; ver tidleg på om morgonen. "Pakkene" blir fort utseld (spesielt hjå bakeria), så du bør legge inn bestillinga di tidleg om morgon

Vurdering av årets finale i Melodi Grand Prix

Seinare enn det brukar, men finalen i årets MGP kom likevel brått på. Fire timar på buss laurdagsformiddag gjev meg likevel tid til å trille terning. Her er poenga frå Hanne-juryen i år. Aleksander Walmann - Talk to the hand Med fare for å virke som ei gammal sur dame, er dette slik nymotens musikk eg ikkje skjønner meg på. Dette er så flatt og så kjedeleg. Mambojambo er kanskje kult å synge for kidza, men ikkje for meg.  Terningkast: 2  Charla K - Stop the music Dette er fint. Faktisk kjempefint dess meir du høyrer på songen. Og det verkar så proft og så gjennomført! I MGP likar eg vanlegvis glitter og mas, men dette må då vere kveldens favoritt? Terningkast: 5  Alejandro Fuentes - Tengo Otra Eg digger jo latino og denne songen er ein sang som hadde vore på spelelista mi når eg jogger, men utan at eg ville gjeve songen så mykje oppmerksemd. Det er halvpent, men ikkje så mykje meir enn det.  Terningkast: 3 Ida Maria - Scandilove Hurra! Endeleg ein

Hanne tester trappene i Høyanger

Høyanger er visstnok kjend for sine trapper. Dette heng saman med vatnforsyning og industri (eg skal finne ut meir om dette når eg skal på industrimuseet seinare i veka). Det er to trapper i Høyanger. Ei med omlag 1250 trappetrinn og ei med 2500 trappetrinn. Optimistisk som eg er bestemte eg meg for å teste den lengste av dei. Dette bilete er take rett etter at eg har gått heimanfrå. Eg bur i eit bustadområde rett på venstresida av bileteramma. Trappa kan du sjå der langt framme på fjellet omtrent midt i biletet. Du ser det som ein grå strek som går oppover. Elva er også rett ved der eg bur, og eg såg mange fiskarar på vegen fram og attende (fisking rett utanfor stovedøra, bokstaveleg talt!). Høyanger sentrum ligg i motsatt retning, altså der elva renn ut i fjorden. No ser du at eg nærmar meg. Også eg begynner å tru at det er håp om at eg skal kome fram. Litt skeptisk på om det er lov til å gå inn på området nå, og tenkjer: "neinei, eg må snu!". Då ser